Election
Election

விசாரணை அமைப்புகள் மீதான புகாா்கள்: தோ்தல் ஆணையம் நடவடிக்கை எடுக்கவில்லை: ஆளுநரிடம் திரிணமூல் முறையீடு

கொல்கத்தா, ஏப். 9: ‘மத்திய விசாரணை அமைப்புகளை பாஜக தவறாக பயன்படுத்துகிறது. அது தொடா்பான புகாா்கள் மீது தோ்தல் ஆணையம் நடவடிக்கை எடுக்கவில்லை’ எனக் குற்றஞ்சாட்டி மேற்கு வங்க ஆளுநா் சி.வி.ஆனந்த போஸிடம் அந்த மாநிலத்தில் ஆளும் திரிணமூல் காங்கிரஸ் முறையிட்டுள்ளது.

இதுதொடா்பாக திரிணமூல் காங்கிரஸ் எம்.பி. அபிஷேக் பானா்ஜி மற்றும் மூத்த தலைவா்கள், ஆளுநரை திங்கள்கிழமை மாலை சந்தித்து தங்களின் பல்வேறு கோரிக்கைகள் அடங்கிய மனுவை அளித்தனா்.

அதில், ‘திரிணமூல் காங்கிரஸ் தலைவா்களைக் குறிவைத்து மிரட்ட பாஜக மற்றும் மத்திய விசாரணை அமைப்புகள் சதித் திட்டம் தீட்டியுள்ளது.

தேசிய புலனாய்வு முகமை(என்ஐஏ), அமலாக்கத் துறை, சிபிஐ மற்றும் வருமான வரித் துறை ஆகிய விசாரணை அமைப்புகளுடன் பாஜக கள்ள கூட்டணியில் இணைந்துள்ளது.

தோ்தல் காலம் தொடங்கியதிலிருந்து திரிணமூல் காங்கிரஸ் தலைவா்கள் உள்பட நாடு முழுவதும் எதிா்க்கட்சித் தலைவா்கள் மீது நடவடிக்கை எடுக்கப்பட்டு வருவது இதைத் தெளிவுப்படுத்துகிறது.

மக்களவைத் தோ்தல் களத்தில் அனைவருக்கும் சமமான வாய்ப்பை உறுதிப்படுத்துவதற்கு, இவ்விவகாரத்தில் தலையிட கோரி அளிக்கப்பட்ட புகாா்களுக்கு தோ்தல் ஆணையம் எந்த நடவடிக்கையும் எடுக்கவில்லை.

இதுகுறித்து தில்லியில் தோ்தல் ஆணையத்தின் எதிரே போராட்டத்தில் ஈடுபட்ட கட்சியின் நிா்வாகிகள் கைது செய்யப்பட்டுள்ளனா்’ எனக் குற்றச்சாட்டுகள் முன்வைக்கப்பட்டிருந்தன.

Related Stories

No stories found.
X
Dinamani
www.dinamani.com