ஒடிஸா பேரவைத் தோ்தல்: முதல்வா் நவீன் பட்நாயக் இரு தொகுதிகளில் போட்டி

ஒடிஸா மாநில சட்டப் பேரவைத் தோ்தலில் மாநில முதல்வரும் பிஜு ஜனதா தளம் கட்சியின் தலைவருமான நவீன் பட்நாயக் இரு தொகுதிகளில் போட்டியிடுகிறாா்.

ஒடிஸா மாநிலத்தில் மக்களவைத் தோ்தலுடன் சோ்த்து 147 சட்டப்பேரவைத் தொகுதிகளுக்கும் நான்கு கட்டங்களாகத் தோ்தல் நடைபெறுகிறது. பிஜு ஜனதா தளம் இதுவரை 129 தொகுதிகளுக்கான வேட்பாளா்களை அறிவித்துள்ளது.

இந்நிலையில், 9 வேட்பாளா்களைக் கொண்ட 5-ஆம் கட்ட வேட்பாளா் பட்டியலை அக்கட்சித் தலைவா் நவீன் பட்நாயக் புதன்கிழமை வெளியிட்டாா்.

முதல்வா் நவீன் பட்நாயக் போலங்கிா் மாவட்டத்தில் உள்ள காந்தபாஞ்சி பேரவைத் தொகுதியிலும் கஞ்சம் மாவட்டத்தில் உள்ள ஹின்ஜிலி பேரவைத் தொகுதியிலும் போட்டியிடுகிறாா்.

கடந்த 2019 பேரவைத் தோ்தலில் ஹின்ஜிலி, பிஜேபூா் என இரு தொகுதியிலும் நவீன் பட்நாயக் போட்டியிட்டு; அவை இரண்டிலும் வெற்றி பெற்றாா். இரு தொகுதியில் வெற்றி பெற்றாலும் ஒரு தொகுதிக்கான எம்எல்ஏவாக மட்டுமே தொடர முடியும் என்பதால் பிஜேபூா் தொகுதி எம்எல்ஏ பதவியை அவா் ராஜிநாமா செய்தாா்.

பிஜு ஜனதா தளத்தின் வேட்பாளா் பட்டியலில் இடம்பெற்றுள்ள 9 வேட்பாளா்களில் 6 போ் பெண்கள். பிற கட்சிகளிலிருந்து பிஜு ஜனதா தளத்தில் இணைந்த 4 போ் வேட்பாளா்களாக அறிவிக்கப்பட்டுள்ளனா். தற்போதைய எம்எல்ஏக்கள் 4 பேருக்கு தோ்தலில் போட்டியிடுவதற்கான வாய்ப்பு மறுக்கப்பட்டுள்ளது.