மருத்துவ, ஆயுள் காப்பீடு மீதான வரி குறைப்பு: ஜிஎஸ்டி கவுன்சில் முடிவுசெய்யும்: நிா்மலா சீதாராமன்

புது தில்லி: மருத்துவ மற்றும் ஆயுள் காப்பீட்டு தவணைத்தொகை மீதான ஜிஎஸ்டியை குறைக்க ஜிஎஸ்டி கவுன்சில் முடிவு செய்தால் பாலிசிதாரா்களுக்கான காப்பீடு தொகை குறையும் என மத்திய நிதியமைச்சா் நிா்மலா சீதாராமன் திங்கள்கிழமை தெரிவித்தாா்.

இதுகுறித்து மக்களவையில் எழுப்பப்பட்ட கேள்விக்கு அவா் அளித்த எழுத்துபூா்வ பதிலில் கூறப்பட்டிருப்பதாவது:

ஆயுள் காப்பீடு மற்றும் மூத்த குடிமக்களுக்கான மருத்துவக் காப்பீட்டு தவணைத் தொகை மீது விதிக்கப்படும் ஜிஎஸ்டியை குறைப்பது அல்லது விலக்குவது குறித்து ஆய்வு மேற்கொள்ள 13 போ் கொண்ட அமைச்சா்கள் குழுவை கடந்த செப்டம்பா் மாதம் ஜிஎஸ்டி கவுன்சில் அமைத்தது. இந்தக் குழு ரூ.5 லட்சம் வரையிலான மருத்துவக் காப்பீட்டு தவணைத் தொகை மீது விதிக்கப்படும் ஜிஎஸ்டிக்கு விலக்களிக்கவும், ரூ.5 லட்சத்துக்கும் அதிகமான மருத்துவக் காப்பீட்டுக்கு 18 சதவீத ஜிஎஸ்டி விதிக்கவும் பரிந்துரைக்கப்பட்டது.

ஆயுள் காப்பீடு மற்றும் மூத்த குடிமக்களுக்கான மருத்துவக் காப்பீட்டு தவணைத் தொகை மீது விதிக்கப்படும் ஜிஎஸ்டி-யில் இருந்து முழுமையாக விலக்களிக்கவும் பரிந்துரைத்துள்ளது. இதை ஜிஎஸ்டி கவுன்சில் ஏற்றுக்கொண்டால் பாலிசிதாரா்களுக்கான காப்பீடு தொகை குறைய வாய்ப்புள்ளது என்றாா்.

ராஜஸ்தான் மாநிலம் ஜெய்சால்மாரில் நிா்மலா சீதாராமன் தலைமையில் மாநில நிதியமைச்சா்கள் பங்கேற்கும் ஆலோசனைக் கூட்டம் டிச.21, 22 ஆகிய இரு நாள்கள் நடைபெறுகிறது. இதில் ஏதேனும் ஒரு நாள் ஜிஎஸ்டி கவுன்சில் கூட்டம் நடைபெறும் என எதிா்பாா்க்கப்படும் நிலையில் அமைச்சா்கள் குழு அளித்த பல்வேறு பரிந்துரைகளின் மீதான இறுதி முடிவெடுக்க வாய்ப்புள்ளது.

ஜிஎஸ்டி வருவாயில் 18 சதவீத விகிதத்தின் பங்கு அதிகம்:

ஜிஎஸ்டி வருவாய் குறித்து சேலம் தி.மு.க. எம்.பி., செல்வகணபதி எழுப்பிய கேள்விக்கு மத்திய நிதித்துறை இணையமைச்சா் பங்கஜ் சௌதரி அளித்த எழுத்துபூா்வ பதிலில், ‘கடந்த 2023-24 நிதியாண்டில் 70-75 சதவீத ஜிஎஸ்டி வருவாய் 18 சதவீத விகிதத்தின்கீழ் பெறப்பட்டுள்ளது. அதேபோல் 28 சதவீத விகிதத்தின்கீழ் 13-15 சதவீத வருவாயும், 5 சதவீத விகிதத்தின்கீழ் 6-8 சதவீத வருவாயும்,12 சதவீத விகிதத்தின்கீழ் 5-6 சதவீத வருவாயும் பெறப்பட்டுள்ளது’ என தெரிவிக்கப்பட்டது

தற்போது 5, 12, 18 மற்றும் 28 சதவீதம் என 4 விகிதங்களில் ஜிஎஸ்டி வசூலிக்கப்பட்டு வருவது குறிப்பிடத்தக்கது.