செய்தி மடல்
இ-பேப்பர்
/
நிகழாண்டு நடைபெற்ற இளநிலை பட்டப் படிப்பு சோ்க்கைக்கான பொது பல்கலைக்கழக நுழைவுத் தோ்வின் (க்யூட்-யுஜி) முடிவுகளை தேசிய தோ்வுகள் முகமை (என்டிஏ) ஞாயிற்றுக்கிழமை வெளியிட்டது.
நிகழாண்டு க்யூட்-யுஜி தோ்வு முடிவுகளை வெளியிடுவதில் தாமதம் நிலவியதால், பல்கலைக்கழகங்களில் மாணவா் சோ்க்கையையும் தாமதமானது. தற்போது முடிவுகள் வெளியிடப்பட்டுள்ள நிலையில், மாணவா் சோ்க்கை தொடங்கப்படவுள்ளது.
நிகழாண்டு நடைபெற்ற க்யூட்-யுஜி தோ்வின் உத்தேச விடைக்குறிப்புகளை கடந்த ஜூலை 7-ஆம் தேதி என்டிஏ வெளியிட்டது. அதேபோல் தோ்வில் உள்ள நியாயமான குறைபாடுகளை தெரிவித்த 1,000 தோ்வா்களுக்கு ஜூலை 19-ஆம் தேதி மறுதோ்வு நடத்தப்பட்டது.
இதைத்தொடா்ந்து, ஜூலை 25-ஆம் தேதி இறுதி விடைக்குறிப்புகள் வெளியிடப்பட்டன. கடந்த ஜூன் 30-ஆம் தேதி க்யூட்-யுஜி தோ்வின் முடிவுகள் வெளியிடப்படும் என அறிவிக்கப்பட்டிருந்த நிலையில் என்டிஏவால் நடத்தப்படும் நீட்-யுஜி மற்றும் யுஜிசி-நெட் ஆகிய தோ்வுகளில் முறைகேடுகள் நடந்ததாக குற்றச்சாட்டுகள் எழுந்தது. இதனால், க்யூட்-யுஜி தோ்வு முடிவுகளை வெளியிடுவதில் தாமதம் ஏற்பட்டது.
தில்லியில் தொழில்நுட்பக் கோளாறுகள் காரணமாக, க்யூட்-யுஜி தோ்வு ரத்து செய்யப்படுவதாக தோ்வுக்கு முந்தைய நாள் அறிவிக்கப்பட்டது. அதன்பிறகு வேறொரு நாளில் தோ்வு நடத்தப்பட்டது.
நிகழாண்டு மே 15 முதல் 24 வரை முதன்முறையாக நேரடி எழுத்துத் தோ்வு முறை மற்றும் கணினி அடிப்படையில் என இரண்டு முறைகளில் நடத்தப்பட்ட இத்தோ்வை நாடு முழுவதும் 13 லட்சத்துக்கும் அதிகமான மாணவ-மாணவிகள் எழுதியது குறிப்பிடத்தக்கது.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.
