கர்நாடக துணை முதல்வர் சிவகுமாரின் சகோதரர் டிகே சுரேஷ் தோல்வி!

பெங்களூரு ஊரக தொகுதி காங்கிரஸ் வேட்பாளர் டி.கே.சுரேஷ், பாஜக வேட்பாளர் சி.என்.மஞ்சுநாத்திடம் தோல்வியை தழுவியது குறித்து செய்தியாளர்களிடம் பேசியுள்ளார்.

கர்நாடக துணை முதல்வர் மற்றும் மூத்த காங்கிரஸ் தலைவர் டி.கே.சிவகுமாரின் சகோதரர் டி.கே.சுரேஷ் அவரை எதிர்த்து போட்டியிட்ட பாஜக வேட்பாளர் டாக்டர் சி.என்.மஞ்சுநாத்தை விட 2,68,094 வாக்குகள் குறைவாக பெற்று தோல்வியடைந்துள்ளார்.

இது குறித்து பேசிய சுரேஷ், “மக்கள் ஆணைக்கு தலைவணங்குகிறேன். புதிய தலைமைக்கு அவர்கள் வாய்ப்பளித்துள்ளனர். சி.என்.மஞ்சுநாத் அவர்களுக்கும் மக்களுக்கும் வாழ்த்துகள். சாதாரண மனிதராகவும் கட்சி பணியாளராகவும் நான் தொடர்ந்து செயல்படவுள்ளேன். கட்சித் தொண்டர்கள் நம்பிக்கையை கைவிட வேண்டாம் எனக் கேட்டுக்கொள்கிறேன். பின்வாங்கும் எண்ணம் இல்லை. என் போராட்டம் தொடரும்” எனத் தெரிவித்துள்ளார்.