ராஜஸ்தான் எதிர்க்கட்சித் தலைவர் கார் விபத்தில் காயம்!

ராஜஸ்தான் மாநில சட்டப்பேரவை எதிர்க்கட்சித் தலைவரும் காங்கிரஸ் மூத்த தலைவருமான டிகா ராம் சென்ற கார் விபத்தில் சிக்கியதில், புதன்கிழமை இரவு அவர் காயமடைந்தார்.

ஆழ்வாரில் இருந்து ஜெய்ப்பூருக்கு டிகா காரில் சென்று கொண்டிருந்த போது, தில்லி - மும்பை அதிவிரைவுச் சாலையில் பண்டரேஜ் அருகே விபத்து ஏற்பட்டுள்ளது.

இந்த விபத்தில் காயமடைந்த டிகா ராம், தௌசா மாவட்ட அரசு தலைமை மருத்துவமனையில் முதலுதவி சிகிச்சை அளிக்கப்பட்டது. அவரது இடது கையில் எலும்பு முறிவு ஏற்பட்டுள்ளதாக கூறப்படும் நிலையில், ஜெய்ப்பூர் மருத்துவமனைக்கு மாற்றப்பட்டுள்ளார்.

மேலும், டிகா விரைவில் நலம்பெற பிரார்த்திப்பதாக ராஜஸ்தான் முதல்வர் பஜன் லால் சர்மா, முன்னாள் முதல்வர் அசோக் கெலாட் தெரிவித்துள்ளனர்.