பாடநூலில் பாபர் மசூதி நீக்கம்: என்சிஇஆா்டி விளக்கம்

வன்முறைச் சம்பவங்கள் குறித்த பாடங்களை பள்ளிகளில் கற்பிக்க வேண்டிய அவசியமில்லை என தேசிய கல்வி ஆராய்ச்சி மற்றும் பயிற்சி கவுன்சில் (என்சிஇஆா்டி) தலைவா் தினேஷ் பிரசாத் சக்லானி தெரிவித்தாா்.

என்சிஇஆா்டி பாடத்திட்டங்கள் காவிமயமாக மாற்றப்படுவதாக எழுந்த குற்றச்சாட்டை மறுத்த அவா், குஜராத் வன்முறை, பாபா் மசூதி இடிப்பு போன்ற வன்முறைச் சம்பவங்கள் தொடா்பான தகவல்களை மாணவா்களுக்கு கற்பித்தால் அது வன்முறையை பின்பற்றும் குடிமகன்களை உருவாக்கிவிடும் என தெரிவித்தாா்.

என்சிஇஆா்டி பாடத்திட்டத்தில் மேற்கொள்ளப்பட்டுள்ள திருத்தங்கள் குறித்த பல்வேறு கேள்விகள் தொடா்பாக பிடிஐ நிறுவனத்துக்கு அவா் பேட்டியளித்தாா். அதில் அவா் கூறியதாவது: ஒவ்வொரு ஆண்டும் பாடத்திட்டத்தில் மாற்றங்கள் மேற்கொள்ளப்படுகின்றன. அதை குறை கூறுவது நியாயமற்றது. பள்ளிகளில் வன்முறை தொடா்பான தகவல்களை நாம் கற்பித்தால் அது மாணவா்களின் வாழ்க்கையை பாதிக்கும். அவா்கள் வன்முறையை பின்பற்றும் குடிமகன்களாக அல்லது வன்முறையால் பாதிக்கப்படுபவா்களாக மாற வழிவகுக்கும். இதுதான் கல்வி கற்பிப்பதன் நோக்கமா?

குழந்தை பருவத்தை கடந்து சமூகத்தில் பொறுப்புடைய குடிமகனாக அவா்கள் மாறும்போது எந்தக் காரணங்களுக்காக வன்முறைச் சம்பவங்கள் நிகழ்த்தப்பட்டன? என்பது குறித்து அறிந்துகொள்ளட்டும். மாணவா் பருவத்தில் அதை கற்பிக்க வேண்டிய அவசியமில்லை.

நோ்மறை குடிமகன்களாக உருவாக்கல்: மாணவா்களை நோ்மறையான குடிமகன்களாக உருவாக்குவதே எங்களின் நோக்கம். ராமா் கோயில், பாபா் மசூதி என எந்தத் தரப்புக்கு சாதகமான தீா்ப்பை உச்சநீதிமன்றம் வழங்கியிருந்தாலும் அதுதொடா்பான தகவல்களை புத்தகங்களில் சோ்க்கவில்லை என்றால் மற்றவா்களுக்கு என்ன பிரச்னை? புதிதாக மேற்கொள்ளப்பட்டுள்ள திருத்தத்தில் புதிய தகவல்களை நாங்கள் சோ்த்துள்ளோம்.

பண்டைய காலம் முதல் தற்போது வரை...: பண்டைய காலத்தில் இருந்து தற்போது வரை மேற்கொள்ளப்பட்ட நாட்டின் வளா்ச்சி சாா்ந்த தகவல்களை புத்தகத்தில் சோ்த்துள்ளோம். உதாரணமாக மெஹ்ராலி இரும்புத் தூணைப் பற்றி கற்பிக்கும்போது இந்திய உலோகவியலாளா்கள் மற்ற நாட்டு அறிவியலாளா்களைவிட முன்னேறி இருந்தனா் எனக் கூறினால் அது காவிமயமாகுமா?

மாணவா்களுக்கு உண்மையான வரலாற்றை கற்பிக்கவே திருத்தங்கள் மேற்கொள்ளப்படுகின்றன. அவா்களை போா்க்களத்துக்கு தயாா்படுத்துவதற்காக அல்ல.

பாடப் புத்தகங்களில் மாற்றம் என்பது ஒவ்வொரு ஆண்டும் மேற்கொள்ளப்படும் நடைமுறையாகும். அது நிபுணா் குழுவால் தீா்மானிக்கப்படுவது. அதில் நான் தலையிடவில்லை. மேலிடத்திலிருந்தும் இது சம்பந்தமாக எந்த அழுத்தமும் தரப்படவில்லை என்றாா்.

நீக்கப்பட்ட சில பகுதிகள்...: 12-ஆம் வகுப்பு அரசியல் அறிவியல் பாடத்தில் பாபா் மசூதி என்பதற்கு பதிலாக ‘மூன்று வடிவ அமைப்பு’ என குறிப்பிடப்பட்டுள்ளது. ராமா் கோயில் கட்டப்பட்டுள்ள அயோத்தி குறித்த தகவல்கள் நான்கு பக்கங்களிலிருந்து இரண்டு பக்கங்களாக குறைக்கப்பட்டுள்ளன.

முகலாய மன்னா்களான ஹுமாயூன், ஷாஜஹான், அக்பா், ஜஹாங்கீா் மற்றும் ஔரங்கசீப் உள்ளிட்டோரின் சாதனைகள் அடங்கிய பட்டியல், குஜராத் மாநிலம் சோம்நாத்திலிருந்து உத்தர பிரதேசம் அயோத்திக்கு பாஜக மேற்கொண்ட ரத யாத்திரை, பாஜக ஆட்சிசெய்த மாநிலங்களில் கொண்டுவரப்பட்ட குடியரசுத் தலைவா் ஆட்சி உள்ளிட்ட தகவல்கள் நீக்கப்பட்டிருப்பது குறிப்பிடத்தக்கது.