மாநிலங்களவை உறுப்பினராகிறார் நிதீஷ் குமார்! முதல்வர் பதவியிலிருந்து விலகல்!மாநிலங்களவைத் தேர்தல்: அதிமுகவின் தம்பிதுரை வேட்புமனு தாக்கல்!மாநிலங்களவை தேர்தல்: அன்புமணி வேட்புமனுத் தாக்கல்!தேமுதிக மாநிலங்களவை வேட்பாளர் எல்.கே. சுதீஷ்!இந்தியாவுக்கு 95 லட்சம் பீப்பாய் எண்ணெய் அனுப்ப ரஷியா தயார்! தவெகவை காட்டி கூடுதல் தொகுதிகள் பெற்ற காங்கிரஸ்! செங்கோட்டையன் காங்கிரஸ் மாநிலங்களவை வேட்பாளர் கிறிஸ்டோபர் திலக்!
/

ஜூலையில் ரஷியாவுக்கு மோடி பயணம்!

உக்ரைன் - ரஷியா போர் தொடங்கிய பிறகு முதல் பயணம்.

News image
கோப்புப்படம்
Updated On :25 ஜூன் 2024, 10:27 am

DIN

பிரதமர் நரேந்திர மோடி அடுத்த மாதம் ரஷிய நாட்டுக்கு அரசுமுறை பயணம் மேற்கொள்ளவுள்ளதாக தகவல்கள் தெரிவிக்கின்றன.

ரஷிய நாட்டின் அரசு ஊடகத்தில், பிரதமர் மோடியின் பயணத்தின் போது ரஷிய அதிபர் விளாதிமீா் புதினை சந்தித்து இருநாட்டு உறவு குறித்து ஆலோசனை செய்யவுள்ளதாக தெரிவிக்கப்பட்டுள்ளது.

கடந்த மார்ச் மாதமே பிரதமர் மோடிக்கு ரஷிய அதிபர் புதின் அழைப்பு விடுத்துள்ளதாகவும், விரைவில் ரஷியாவுக்கு மோடி பயணம் மேற்கொள்வார் எனவும் செய்திகள் வெளியாகி இருந்தன.

இந்த நிலையில், ரஷியாவில் மே மாதம் நடைபெற்ற தேர்தலில் வெற்றி பெற்று அந்நாட்டின் அதிபராக தொடர்ந்து 5-வது முறையாக புதின் பதவியேற்ற நிலையில், இந்திய பிரதமராக மூன்றாவது முறையாக மோடி பதவியேற்றுள்ளார்.

இந்த பயணத்தின் போது உக்ரைன் - ரஷியா போர் நிறுத்தம் தொடர்பாக பிரதமர் மோடி ஆலோசனை நடத்துவார் என்று எதிர்பார்க்கப்படுகிறது.

ரஷிய - உக்ரைன் போர் தொடங்கிய பிறகு முதல்முறையாக ரஷியாவுக்கு மோடி பயணம் மேற்கொள்ளவுள்ளார். இதற்கு முன்னதாக, கடைசியாக 2019-ஆம் ஆண்டு ரஷியாவுக்கு சென்றிருந்தார்.

ரஷிய அதிபர் புதின், கடந்த 2021-ஆம் ஆண்டு ரஷியா-இந்தியா உச்சி மாநாட்டில் பங்கேற்பதற்காக இந்தியாவுக்கு பயணம் மேற்கொண்டிருந்தார்.

இருப்பினும், மோடியின் பயணத்தை இந்திய வெளியுறவுத் துறை அமைச்சகமோ, ரஷிய அரசோ இதுவரை உறுதிப்படுத்தவில்லை.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.