மக்களவைத் தேர்தல் நடைபெற்றுவரும் நிலையில் உத்தரப் பிரதேசத்தில் மேலும் இரு வேட்பாளர்களை பகுஜன் சமாஜ் கட்சி இன்று அறிவித்துள்ளது.
பகுஜன் சமாஜ் கட்சியின் 14வது வேட்பாளர் பட்டியல் இதுவாகும்.
இதுதொடர்பாக வெளியிட்ட அறிக்கையில், குஷிநகர் மக்களவைத் தொகுதியில் சுப் நாராயண் சௌகான் வேட்பாளராகவும், தியோரியா மக்களவைத் தொகுதியில் சந்தேஷ் யாதவ் நிறுத்தப்பட்டதாகவும் அக்கட்சி தெரிவித்துள்ளது.
மக்களவைத் தேர்தல் ஏப்ரல் 19 தொடங்கி ஜூன் 1 வரை ஏழு கட்டங்களாக நடைபெறுகிறது. அதில் தமிழகம், புதுச்சேரியில் ஒரே கட்டமாகவும், உத்தரப் பிரதேச மாநிலத்திற்கு 7 கட்டங்களாகவும் வாக்குப்பதிவு நடக்க உள்ளது.
மக்களவைத் தேர்தலின் ஏழாவது மற்றும் இறுதிக்கட்ட தேர்தல் குஷிநகர் மற்றும் தியோரியாவுக்கு ஜூன் 1ம் தேதி தேர்தல் நடத்தப்படுகிறது.