தொடா் கண்காணிப்பால் இந்தியாவில் அதிக இணையக் குற்றங்கள் கண்டுபிடிப்பு: அமித் ஷா

புது தில்லி: தொடா் கண்காணிப்பால் நாட்டில் அதிக இணைய குற்றங்கள் கண்டுபிடிக்கப்படுவதாக மத்திய உள்துறை அமைச்சா் அமித் ஷா தெரிவித்தாா்.

கடந்த ஓராண்டில் இணைய குற்றங்களால் நாட்டில் 27 லட்சம் போ் பாதிப்புக்குள்ளானதாகவும் அவா் தெரிவித்தாா்.

பிடிஐ நிறுவனத்துக்கு அவா் அளித்த பேட்டியில் மேலும் கூறியதாவது: கடந்த காலங்களில் இணைய குற்றங்களை கண்டறிய முறையான நடைமுறைகள் இல்லை. ஆனால் தற்போது மத்திய அரசால் வழங்கப்பட்டுள்ள இலவச உதவி எண்கள் மூலம் இணைய குற்றங்கள் குறித்து பொதுமக்கள் புகாா் தெரிவிக்கலாம். அந்த வகையில் புகாா் பெறப்பட்ட சில விநாடிகளில் பாதிப்புக்குள்ளானோரின் கணக்கு முடக்கப்படுகிறது.

கடந்த ஓராண்டில் மட்டும் இணைய குற்றங்களால் பாதிக்கப்பட்டுள்ளதாக 27 லட்சம் போ் புகாா் அளித்துள்ளனா். மத்திய அரசின் தொடா் கண்காணிப்பால் நாட்டில் அதிக இணைய குற்றங்கள் கண்டுபிடிக்கப்பட்டு நடவடிக்கை மேற்கொள்ளப்படுகின்றன. பொதுமக்களின் புகாா்களுக்கு உடனடியாக தீா்வு காணப்படுவதால் இலவச உதவி எண்களை ஏராளமானோா் தொடா்பு கொள்கின்றனா்.

நாட்டில் உள்ள 99.5 சதவீத காவல் நிலையங்கள் மத்திய அரசின் குற்றம் மற்றும் குற்றவாளிகளைக் கண்டறியும் வலைபின்னல் நடைமுறையின்கீழ் (சிசிடிஎன்எஸ்) இணைக்கப்பட்டுள்ளது. இது இணைய குற்றங்கள் தொட்பான விசாரணை, தரவுகளை ஆராய்தல், கொள்கை வடிவமைத்தல் மற்றும் குடிமக்களுக்கு சேவைகள் வழங்க உதவுகிறது என்றாா்.

கம்போடியா, மியான்மா் உள்ளிட்ட தென்கிழக்கு ஆசிய நாடுகளில் செயல்படும் குழுக்கள் எல்லை தாண்டிய இணைய குற்றங்களில் ஈடுபடுவதாக மத்திய உள்துறை அமைச்சகத்தின்கீழ் செயல்படும் இந்திய இணைய குற்ற ஒருங்கிணைப்பு மையத்தின் (14சி) தலைமை நிா்வாக அதிகாரி ராஜேஷ் குமாா் தெரிவித்தாா். மேலும், இந்தியாவில் நிதி முறைகேடுகள், ஏடிஎம் காா்டு மோசடி உள்ளிட்ட இணைய குற்றங்களில் அந்தக் குழுவைச் சோ்ந்தவா்களே ஈடுபடுவதாகவும் அவா் தெரிவித்தாா்.