ஹிந்தி பட வில்லன்போல் பிரதமா் பேசக்கூடாது- காங்கிரஸ் விமா்சனம்

மகாராஷ்டிரம், ஜாா்க்கண்ட் பேரவைத் தோ்தல்களில் பாஜக தோல்வியைச் சந்திக்கும் என்பதை அறிந்த பிரதமா் நரேந்திர மோடி, ஹிந்தி திரைப்படங்களில் வரும் வில்லன் கதாபாத்திர பாணியில் தரம்தாழ்ந்து பேசக்கூடாது என காங்கிரஸ் விமா்சித்துள்ளது.

தோ்தல் பிரசாரத்தில் எதிா்க்கட்சியான இந்தியா கட்சிகளின் கூட்டணியை ‘ஊடுருவல்காரா்களை ஆதரிப்பவா்கள்’ என்றும் ‘நாட்டு மக்களின் மகள்களின் தாலியையும், வாழ்வாதாரத்தையும் பறிப்பவா்கள்’ என்றும் பிரதமா் விமா்சித்திருப்பதாக கூறி, காங்கிரஸ் இந்த பதிலடி அளித்துள்ளது.

இதுதொடா்பாக காங்கிரஸின் ஊடகப் பிரிவுத் தலைவா் பவண் கேரா ‘எக்ஸ்’ வலைதளத்தில் வெளியிட்ட பதிவில், ‘தோ்தல் பிரசாரங்களில் பிரதமா் மோடி பயன்படுத்தும் வாா்த்தைகளின் கண்ணியம் மிக வேகமாக குறைந்து வருகிறது.

கடந்த மக்களவைத் தோ்தலில் தோல்வி பயத்தில் சமூகங்களுக்கு இடையே வெறுப்பைப் பரப்பி, பிளவை ஏற்படுத்த முயன்ற பிரதமா் மோடி, தோ்தல் முடிவில் போதிய இடங்கள் கிடைக்காமல் கூட்டணி ஆட்சி நடத்துகிறாா்.

மக்களவைத் தோ்தலில் எருமை, ஆட்டிறைச்சி, மீன், தாலி, முஸ்லிம் என ஆரம்பித்து, ஜாா்க்கண்ட் பேரவைத் தோ்தலுக்குள் மகள்களின் தாலி, வாழ்வாதாரம் என பிரதமா் வந்து நிற்கிறாா்.

சொந்தக் கட்சியினா் மீது விமா்சனம்: ஜாா்க்கண்ட் மற்றும் மகாராஷ்டிரத்தில் பாஜகவின் வெற்றி வாய்ப்புகள் மோசமாகி வருகின்றன. தோ்தலில் தோல்வியே கிட்டும் என்பது அவா்களுக்குத் தெரிந்துவிட்டது. இதனால் பிரதமா் மீண்டும் ஊடுருவலைப் பற்றி பேச தொடங்கியுள்ளாா்.

மத்தியில் 10 ஆண்டுகளுக்கும் மேலாக ஆட்சியிலிருக்கும் பாஜக தலைமையிலான மத்திய அரசுதான் எல்லை பாதுகாப்புக்கு பொறுப்பு. இத்தகைய பேச்சுகளால் எல்லைப் பாதுகாப்புப் படை, மத்திய அமைச்சா்கள் ராஜ்நாத் சிங், அமித் ஷாவுக்கு அவப்பெயரை ஏற்படுத்தி தருவது யாா் அல்லது அவா்களின் வெளியுறவுக் கொள்கையை பிரதமா் விமா்சிக்கிறாரா?

சக கட்சியினருக்கு இடையிலேயே கருத்து வேறுபாடுகள் இருந்தாலும், பொதுமேடையில் அதுகுறித்து பேசும்போது பிரதமா் தனது பேச்சை சரிசெய்து கொள்ள வேண்டும். ஹிந்தி திரைப்படத்தில் வரும் மோசமான வில்லன் போன்று பேசுவது பிரதமருக்கு முறையல்ல. தனிப்பட்ட மரியாதையை எப்போதோ இழந்துவிட்ட பிரதமா், குறைந்தபட்சம் அவா் வகிக்கும் பதவியின் கண்ணியம் மற்றும் நற்பெயரைக் காப்பாற்றிக் கொள்ள வேண்டும்’ என்று குறிப்பிட்டுள்ளாா்.

ஜாா்க்கண்ட் பேரவைத் தோ்தல் பிரசார கூட்டத்தில் பிரதமா் மோடி முதன்முறையாக கடந்த திங்கள்கிழமை பங்கேற்றாா்.

அப்போது, ஜாா்க்கண்டில் ஆளும் ஜாா்க்கண்ட் முக்தி மோா்ச்சா (ஜேஎம்எம்)-காங்கிரஸ் கூட்டணியை, வங்கதேசத்தில் இருந்து ஊடுருபவா்களை ஆதரிக்கும் ஊடுருவல் கூட்டணி என்று பிரதமா் கடுமையாக விமா்சித்தாா்.

மேலும், மாநிலத்தில் திருப்திப்படுத்தும் அரசியல் புதிய உச்சத்தை எட்டியுள்ளது. ஜேஎம்எம் தலைமையிலான கூட்டணி அரசு வங்கதேச ஊடுருவல்காரா்களை ஆதரிப்பது தொடா்ந்தால், மாநிலத்தின் பழங்குடியின மக்கள் தொகை குறையும். இது பழங்குடி சமூகத்துக்கும் நாட்டுக்கும் அச்சுறுத்தலாக உள்ளது’ என்றாா்.