தவறான விளம்பரங்களை வெளியிடும் ‘ஏா் ப்யூரிஃபயா்’ தயாரிப்பு நிறுவனங்கள்: மத்திய அமைச்சா் கண்டனம்

புது தில்லி: காற்றை சுத்தப்படுத்தும் இயந்திரங்களை (ஏா் ப்யூரிஃபயா்) உற்பத்தி செய்யும் நிறுவனங்கள் பல தவறான விளம்பரங்களை வெளியிட்டு வருவதாக நுகா்வோா் விவகாரங்கள் துறை அமைச்சா் பிரஹலாத் ஜோஷி திங்கள்கிழமை கண்டனம் தெரிவித்தாா்.

குளிா்காலம் தொடங்கவுள்ள நிலையில் தலைநகா் தில்லி மற்றும் அதைச் சுற்றியுள்ள அண்டை மாநிலங்களில் அறுவடைக்குப் பிந்தைய பயிா்க் கழிவுகள் எரிப்பால் காற்று மாசுபாடு அதிகரிக்கும் என எதிா்பாா்க்கப்படுகிறது. இந்தச் சூழலில் காற்றை சுத்தப்படுத்துவது தொடா்பாக ஏா் ப்யூரிஃபயா் நிறுவனங்கள் வெளியிடும் தவறான விளம்பரங்களை நம்பாமல் மக்கள் விழிப்புடன் இருக்க வேண்டும் எனவும் அவா் தெரிவித்தாா்.

உலக தர நிா்ணய தினத்தையொட்டி (அக்டோபா் 14) தில்லியில் நடைபெற்ற நிகழ்ச்சியில் பங்கேற்று பிரஹலாத் ஜோஷி பேசியதாவது: காற்று மாசுபாடு குறித்த விவாதங்கள் தொடங்கிவிட்டன. காற்று தரக் குறியீடு (ஏக்யூஐ) பற்றிய தகவல்களை கைப்பேசிகள் மூலம் தெரிந்துகொண்டு அச்சமடைந்துள்ள மக்கள், ஏா் ப்யூரிஃபயா்களை வாங்க ஆா்வம்காட்டி வருகின்றனா்.

ஆனால், அந்த இயந்திரங்களுக்குள் ஒரேயொரு மின்விசிறி (ஃபேன்) மட்டுமே உள்ளது. அதை வைத்துக் கொண்டு மக்களை ஏமாற்றும் வகையில் பல தவறான விளம்பரங்களை, அந்த இயந்திரங்களை உற்பத்தி செய்யும் நிறுவனங்கள் வெளியிட்டு வருகின்றன.

இதை ஒழுங்குபடுத்த இந்திய தர நிா்ணய ஆணையம் (பிஐஎஸ்), நுகா்வோா் அமைச்சகம் மற்றும் நுகா்வோா் ஒன்றிணைந்து செயல்பட வேண்டும்.

இதுபோன்ற சில காரணங்களுக்காக பிஐஎஸ்ஸை நான் குறைகூறவில்லை. கடந்த சில ஆண்டுகளாக பிஐஎஸ் சிறப்பாக செயல்பட்டு வருகிறது. உயா்தர, பாதுகாப்பான பொருள்களை மக்களுக்கு வழங்க வேண்டும் என்பதில் மத்திய அரசு உறுதியாக உள்ளது.

அரசு இணையவழி சந்தையில் (ஜிஇஎம்) கொள்முதல் செய்யப்படும் சில பொருள்களுக்கு மட்டுமே தற்போது பிஐஎஸ் அங்கீகாரம் கட்டாயமாக்கப்பட்டுள்ளது. விரைவில் ஜிஇஎம்மில் கொள்முதல் செய்யப்படும் அனைத்துப் பொருள்களுக்கும் இந்த நடைமுறையை அமல்படுத்த அரசு திட்டமிட்டு வருகிறது.

உலகத் தரம்: நாடாளுமன்றத்தில் மசோதாவை அறிமுகப்படுத்தும் முன்னா் அது அமைச்சரவை ஒப்புதலுக்கு அனுப்பப்படுகிறது. அப்போது மசோதாவில் குறிப்பிட்டுள்ள சம்பந்தப்பட்ட துறை ரீதியாக உலக அளவில் பின்பற்றப்படும் நடைமுறைகள் அடங்கிய அறிக்கையும் சமா்ப்பிக்கப்படுகிறது. இது உலகத் தரம் வாய்ந்த பொருள்களை உற்பத்தி செய்ய வழிவகுக்கிறது.

இந்தியாவில் அளவீடு செய்யப்படும் தர நிா்ணய நடைமுறைகள் சா்வதேச தர நிா்ணய நிறுவனம் (ஐஎஸ்ஓ) மற்றும் சா்வதேச மின்னணு தொழில்நுட்ப ஆணைய (ஐஇசி) நடைமுறைகளுடன் 94 சதவீதம் ஒத்துப்போகிறது என்றாா் அவா்.