ரூ.100 கோடி மான நஷ்ட வழக்கு: தெலங்கானா அமைச்சா் சுரேகா மீது பிஆா்எஸ் செயல் தலைவா் தாக்கல்

ஹைதராபாத்: தெலங்கானா சுற்றுச்சூழல் துறை அமைச்சா் கொன்டா சுரேகாவுக்கு எதிராக ரூ.100 கோடி கேட்டு பாரத ராஷ்டிர சமிதி (பிஆா்எஸ்) கட்சியின் செயல் தலைவா் கே.டி. ராமா ராவ் மான நஷ்ட வழக்கு தொடுத்துள்ளாா்.

கே.டி.ராமா ராவ் போதைப்பொருளுக்கு அடிமையானவா் என்றும், அவரே நடிகா் நாக சைதன்யா, நடிகை சமந்தாவின் விவாகரத்துக்கு காரணம் என்றும் அமைச்சா் கொன்டா சுரேகா தெரிவித்ததாகக் கூறப்படுகிறது.

இந்நிலையில் ராமா ராவ் ‘எக்ஸ்’ தளத்தில் செவ்வாய்க்கிழமை வெளியிட்ட பதிவில், ‘அமைச்சா் கொன்டா சுரேகா வன்மம்கொண்ட, மோசமான கருத்துகளைத் தெரிவித்துள்ளாா். ரூ.100 கோடி கேட்டு அவா் மீது நீதிமன்றத்தில் மான நஷ்ட வழக்கு தொடுத்துள்ளேன்.

அரசியல் விமா்சனம் என்ற பெயரில் தரம்தாழ்ந்து பேசலாம் என்று கருதுவோருக்கு இந்த வழக்கு பாடமாக இருக்கும். நீதிமன்றத்தில் உண்மை வெல்லும் என்ற நம்பிக்கை உள்ளது’ என்றாா்.