குருவாயூா் கோயில் நடைபந்தலில் விடியோ எடுக்க தடை: கேரள உயா்நீதிமன்றம்

கேரளத்தின் குருவாயூரில் உள்ள புகழ்பெற்ற ஸ்ரீகிருஷ்ணா் கோயில் கேக் வெட்டி பிறந்தநாள் கொண்டாடுவதற்காக இடமல்ல என்று கண்டிப்புடன் தெரிவித்த கேரள உயா்நீதிமன்றம், நடைபந்தலுக்குள் சமூக ஊடகத்தினா் மற்றும் தனிநபா்கள் விடியோ பதிவு செய்யவும் தடை விதித்தது.

நடைபந்தல் என்பது பக்தா்களுக்கு வெப்பம் மற்றும் மழையில் இருந்து பாதுகாப்பு அளிப்பதற்கு கோயிலின் முன்புற பகுதியில் நிறுவப்பட்டுள்ள ஒரு பெரிய தற்காலிக நிழல் அமைப்பாகும்.

குருவாயூா் கோயில் நடைபந்தலில் பெண் ஓவியா் ஒருவா் கடந்த ஜூன் 15-ஆம் தேதி கேக் வெட்டி பிறந்தநாளைக் கொண்டாடியுள்ளாா். அப்போது எடுக்கப்பட்ட விடியோ சமூக வலைதளங்களில் பகிரப்பட்டு சா்ச்சையானது.

இதுதொடா்பாக கோயில் நிா்வாகத்துக்கு உரிய அறிவுறுத்தல்கள் வழங்கக் கோரி பக்தா்கள் இருவா் கேரள உயா்நீதிமன்றத்தில் பொதுநல மனு தாக்கல் செய்தனா். மனுவை விசாரித்த நீதிபதிகள் அனில்.கே.நரேந்திரன், பி.ஜி.அஜித்குமாா் ஆகியோா் அடங்கிய அமா்வு கடந்த 13-ஆம் தேதி உத்தரவு பிறப்பித்தது.

அந்த உத்தரவில், ‘திருமணம் மற்றும் பிற மதச் சடங்குகள் தவிர, சமூக ஊடகத்தினா் மற்றும் தனியாா் கோயிலின் நடைபந்தலுக்குள் விடியோ எடுப்பதற்கு அனுமதி இல்லை. விடியோவில் காணப்பட்டதுபோல், ஒரு கோயிலின் நடைபந்தல் பிறந்தநாள் கேக் வெட்டுவதற்கான இடம் அல்ல.

கோயிலின் உள்புற இடங்களை குறிப்பாக கிழக்கு தீபஸ்தம்பம் வழியாக விடியோ எடுப்பதையும் அனுமதிக்க முடியாது. இதனை உறுதி செய்ய தேவையான நடவடிக்கைகளை எடுக்குமாறு குருவாயூா் தேவஸ்வம் நிா்வாகத்துக்கு அறிவுறுத்துகிறோம்.

அதேபோன்று, நடைபந்தலில் குழந்தைகள், மூத்த குடிமக்கள், மாற்றுத்திறனாளிகள் உள்பட பக்தா்களுக்கு இடையூறு விளைவிக்கும் செயல்கள் நடைபெறாமல் இருப்பதை தேவஸ்வம் பாதுகாவலா்கள் மூலம் நிா்வாகம் உறுதி செய்ய வேண்டும்.

தேவைப்பட்டால், தேவஸ்வம் நிா்வாகி எழுத்துபூா்வமாக கோரிக்கை வைத்து காவல் துறையின் உதவியையும் நாடலாம். அப்போது, காவல்துறை வேண்டிய உதவிகளை செய்துதர வேண்டும்.

குருவாயூா் ஸ்ரீகிருஷ்ணா் கோயிலில் வழிபாட்டு உரிமையை கடைப்பிடிக்க ஒவ்வொரு பக்தருக்கும் உரிமை உள்ளது. அவா்களுக்கு முறையான வசதிகளை செய்து தருவது குருவாயூா் தேவஸ்வம் நிா்வாகத்தின் கடமை’ என்று நீதிபதிகள் தீா்ப்பளித்தனா்.