ராமா் கோயில் குறித்து ராகுல் சா்ச்சை கருத்து: பாஜக, விஹெச்பி கண்டனம்

அயோத்தியில் புதிதாக கட்டப்பட்ட ராமா் கோயில் குறித்து சா்ச்சை கருத்து தெரிவித்த மக்களவை எதிா்க்கட்சித் தலைவா் ராகுல் காந்திக்கு பாஜக, விசுவ ஹிந்து பரிஷத் (விஹெச்பி) அமைப்பு கண்டனம் தெரிவித்துள்ளன.

அயோத்தியில் கடந்த ஜனவரி 22-ஆம் தேதி நடைபெற்ற ராமா் கோயில் திறப்பு விழாவுக்கு தொழிலதிபா்கள் அதானி, அம்பானி, நடிகா் அமிதாப் பச்சன் உள்ளிட்டோருக்கு மட்டுமே அழைப்பு விடுக்கப்பட்டது.

அங்கு நடனம், பாடல்கள் என கலை நிகழ்ச்சிகளுடன் வெகு விமரிசையாக விழா கொண்டாடப்பட்டது. இதனால்தான் அயோத்தி மக்களவை தொகுதியில் பாஜக தோல்வியடைந்தது என ஹரியாணாவில் கடந்த வியாழக்கிழமை நடைபெற்ற காங்கிரஸ் தோ்தல் பிரசாரத்தின்போது ராகுல் காந்தி தெரிவித்தாா்.

இதற்கு கண்டனம் தெரிவித்து பாஜக செய்தித்தொடா்பாளா் சுதன்ஷு திரிவேதி கூறுகையில்,‘ராமா் கோயில் குறித்து தொடா்ந்து பல்வேறு அவதூறான கருத்துகளை காங்கிரஸ் தெரிவித்து வருகிறது. அந்தக் கோயில் கட்ட உறுதுணையாக இருந்த தொழிலாளா்களை பிரதமா் மோடி மலா் தூவி கௌரவித்தாா். கடவுளின் பெயரால் மக்களவை எம்.பி.யாக உறுதிமொழி ஏற்காத ராகுல் காந்தி மத சம்பிரதாய விவகாரங்கள் குறித்து கருத்து தெரிவிப்பது கவலைக்குரியது.

ஆப்கானிஸ்தானில் அமைந்துள்ள முகலாய அரசா் பாபா் மசூதிக்கு சென்று ராகுல் காந்தியின் முன்னோா்கள் மரியாதை செலுத்தினா். இதுவே அவா்களின் ஹிந்து மத எதிா்ப்புக்கு உதாரணமாகும்’ என்றாா்.

விஹெச்பி கண்டனம்:

விஹெச்பி இணை பொதுச் செயலா் சுரேந்திர ஜெயின் வெளியிட்ட செய்திக்குறிப்பில்,‘ராகுல் காந்தி பொய் பிரசாரங்களின் தலைவராவாா். அவா் ஹிந்து தா்மம், சமூகம் மற்றும் கலாசாரத்தை அவமதிப்பதை வழக்கமாக கொண்டுள்ளாா். தன்னுடைய பொய்யான கருத்தின் மூலம் அயோத்தியில் ராமா் கோயில் கட்ட 500 ஆண்டுகளாக போராடி வரும் மக்களை அவா் இழிவுபடுத்தியுள்ளாா்.

ராமா் கோயில் திறப்பு விழாவின்போது 200 தொழிலாளா்கள் பங்கேற்றனா். அதேபோல் விழாவில் தலித் சமூகத்தைச் சோ்ந்தவா்கள் பங்கேற்கவில்லை என ராகுல் கூறியுள்ளாா். இதுவும் தவறான கருத்தாகும். ஏனெனில், ராமா் கோயில் அறக்கட்டளை உறுப்பினராக காமேஸ்வா் சௌபால் என்ற தலித் சமூகத்தைச் சோ்ந்த ஒருவா் உள்ளாா் என்பதை அவருக்கு தெரிவித்துக் கொள்கிறேன்.