அயோத்தி ராமா் கோயிலுக்கு வெடிகுண்டு மிரட்டல்: இருவா் கைது

உத்தர பிரதேச மாநிலம், அயோத்தி ராமா் கோயிலுக்கு வெடிகுண்டு மிரட்டல் விடுத்த இருவா் புதன்கிழமை கைது செய்யப்பட்டனா்.

அயோத்தியில் ராமா் கோயில் கருவறையில் ஜன. 22-ஆம் தேதி குழந்தை ராமா் சிலை பிரதிஷ்டை செய்யப்பட உள்ளது. இந்நிலையில், கடந்த நவம்பரில் ‘எக்ஸ்’ தளத்தில், ‘அயோத்தி ராமா் கோயில் குண்டு வைத்து தகா்க்கப்படும் எனவும், உத்தர பிரதேச முதல்வா் யோகி ஆதித்யநாத், மாநில சிறப்பு அதிரடிப் படைத் தலைவா் அமிதாப் யாஷ் ஆகியோா் மீது வெடிகுண்டு தாக்குதல் நடத்தப்படும் எனவும்’ பதிவு வெளியிடப்பட்டது.

இதுகுறித்து சிறப்பு அதிரடிப் படை விசாரணை மேற்கொண்டபோது இரண்டு மின்னஞ்சல்களைப் பயன்படுத்தி மிரட்டல் விடுக்கப்பட்டது தெரியவந்தது. அந்த மின்னஞ்சல்களை தொழில்நுட்ப ரீதியாக ஆய்வு மேற்கொண்டபோது தாஹா் சிங் என்பவா் மின்னஞ்சல்களை உருவாக்கியதும், அந்த மின்னஞ்சல்களைப் பயன்படுத்தி ஓம்பிரகாஷ் மிஸ்ரா என்பவா் வெடிகுண்டு மிரட்டல் விடுத்ததும் தெரியவந்தது.

இருவரும் லக்னெளவை சோ்ந்தவா்கள். அவா்களை சிறப்பு அதிரடிப் படை புதன்கிழமை கைது செய்து தொடா்ந்து விசாரணை மேற்கொண்டு வருகிறது.