வக்ஃப் சட்ட மசோதா திருத்தங்கள்: ஓம் பிர்லாவிடம் அறிக்கை சமர்ப்பிப்பு!

வக்ஃப் சட்டத் திருத்த மசோதாவில் மேற்கொள்ளப்பட வேண்டிய திருத்தங்கள் தொடா்பான அறிக்கை மக்களவைத் தலைவா் ஓம் பிா்லாவிடம் நாடாளுமன்றக் கூட்டுக் குழுவினர் வியாழக்கிழமை சமர்ப்பித்தனர்.

நாடாளுமன்ற கூட்டுக் குழு திங்கள்கிழமை கூடியபோது, மசோதாவில் 14 சட்டப் பிரிவுகளில் மேற்கொள்ளப்பட வேண்டிய திருத்தங்கள் தொடா்பாக குழுவில் இடம்பெற்றுள்ள ஆளுங்கட்சி எம்.பி.க்கள் தரப்பில் முன்மொழியப்பட்ட 32 திருத்த பரிந்துரைகளை கூட்டுக் குழு முழுமையாக ஏற்றுக்கொண்டது. எதிா்க்கட்சி உறுப்பினா்கள் தரப்பில் முன்மொழியப்பட்ட 500-க்கும் மேற்பட்ட பரிந்துரைகளை முழுமையாக நிராகரித்தது. இதற்கு எதிா்க்கட்சிகள் கடும் எதிா்ப்பு தெரிவித்தன.

இதையும் படிக்க : அமெரிக்க விமான விபத்து நடந்தது எப்படி? எச்சரிக்கையை மீறிய ராணுவ ஹெலிகாப்டர்! முழு விவரம்

இதனிடையே, மசோதாவில் மேற்கொள்ளப்பட வேண்டிய திருத்தங்கள் இறுதி செய்யப்பட்டு, அதுதொடா்பான 655 பக்ககங்கள் கொண்ட வரைவு அறிக்கை கூட்டுக் குழு உறுப்பினா்கள் அனைவருக்கும் செவ்வாய்க்கிழமை இரவு விநியோகிக்கப்பட்டது.

இந்நிலையில், புதன்கிழமை காலையில் கூடிய நாடாளுமன்ற கூட்டுக் குழுக் கூட்டத்தில், வாக்கெடுப்பு முறையில் வரைவு அறிக்கைக்கு ஒப்புதல் அளிக்கப்பட்டது. வரைவு அறிக்கைக்கு 15 உறுப்பினா்கள் ஆதரவாகவும், 11 போ் எதிராகவும் வாக்களித்தனா். பெரும்பான்மை அடிப்படையில் திருத்தங்கள் தொடா்பான வரைவு அறிக்கை ஏற்றுக்கொள்ளப்பட்டதாக கூட்டுக் குழுத் தலைவரும் பாஜக எம்.பி.யுமான ஜகதாம்பிகா பால் அறிவித்தாா்.

இதற்கு குழுவில் இடம்பெற்றுள்ள காங்கிரஸ், திமுக, திரிணமூல் காங்கிரஸ், ஆம் ஆத்மி, அகில இந்திய மஜ்லீஸ் கட்சி உள்ளிட்ட எதிா்க்கட்சி உறுப்பினா்கள் கடும் கண்டனம் தெரிவித்தனா். ‘வரைவு அறிக்கை முந்தைய நாள் இரவுதான் எங்களுக்கு விநியோகிக்கப்பட்டது. அதை முழுமையாகப் படிக்கக்கூட நேரம் தரவில்லை. இத்தகைய சூழலில் வரைவு அறிக்கைக்கு ஒப்புதல் அளித்திருப்பது, அரசமைப்புச் சட்டத்துக்கு எதிரானது. வக்ஃப் வாரியத்தை அழிக்கும் செயல்’ என்றும் அவா்கள் குற்றஞ்சாட்டினா்.

இந்த நிலையில், ஜகதாம்பிகா பால் தலைமையில் மக்களவைத் தலைவர் ஓம் பிர்லாவை வியாழக்கிழமை அவரது அறையில் சந்தித்த கூட்டுக்குழுவினர் அறிக்கையை சமர்ப்பித்தனர்.

பட்ஜெட் கூட்டத் தொடரில் ஒப்புதல்?

வரும் 31-ஆம் தொடங்கவிருக்கும் நாடாளுமன்ற பட்ஜெட் கூட்டத் தொடரிலேயே இந்த மசோதா நாடாளுமன்ற இரு அவைகளிலும் அறிமுகம் செய்யப்பட்டு ஒப்புதல் பெற வாய்ப்புள்ளதாக கூறப்படுகிறது.