செய்தி மடல்
இ-பேப்பர்
புது தில்லி முதல்வர் ரேகா குப்தாவின் அதிகாரப்பூர்வ மாளிகையான (மாளிகை நம்பர் 1) ராஜ் நிவாஸ் மார்க், ரூ.60 லட்சம் செலவில் புனரமைக்கப்படுகிறது.
இதற்கான டெண்டரை கோரியிருக்கிறது புது தில்லியின் பொதுப் பணித் துறை. ஜூன் 28ஆம் தேதி வெளியான டெண்டரின்படி, ஜூலை 4ஆம் தேதி ஒப்பந்தம் கோரப்பட்டு, அடுத்த 60 நாள்களுக்குள் பணிகள் முடிக்கப்பட வேண்டும் என்று தெரிவிக்கப்பட்டுள்ளது.
புது தில்லி முதல்வர் ரேகா குப்தாவுக்கு, இரண்டு பங்களாக்கள் ஒதுக்கப்பட்டன. ஒரு பங்களாவில் முதல்வர் வாழ்ந்து வரும் நிலையில், இரண்டாவது பங்களா, முகாம் அலுவலகமாக செயல்பட்டு வருகிறது.
இந்த நிலயில், முதல் பங்களாவை, ரூ.60 லட்சம் செலவிட்டு புனரமைக்கவும், பெரும்பாலும் எலக்ட்ரானிக் வசதிகள் தான் செய்யப்படுவதாகவும் தெரிகிறது. இந்த பங்களாவில் 5 டிவி, 14 ஏசி, யுபிஎஸ் வசதிகள் ஏற்படுத்தவும், ரிமோட் வசதியுடன் 23 மின் விசிறிகள், வாஷிங்மெஷின், டிஷ்வாஷர், மைக்ரோவேவ் ஓவன் உள்ளிட்டவை பொருத்தவும் டெண்டரில் கோரப்பட்டுள்ளதாகத் தகவல்கள் தெரிவிக்கின்றன.
கடந்த பிப்ரவரி மாதம், தில்லி முதல்வராக பொறுப்பேற்ற ரேகா குப்தா, தான் முன்னாள் முதல்வர் அரவிந்த் கேஜரிவால் வாழ்ந்து பங்களாவில் குடியிருக்க மாட்டேன் என்று தெரிவித்திருந்த நிலையில், தற்போது, அவருக்கு ஒதுக்கப்பட்ட பங்களாவில் புனரமைக்கும் பணிகள் நடைபெறவிருக்கிறது.
Summary
New Delhi Chief Minister Rekha Gupta's official residence (House No. 1) at Raj Niwas Marg is being renovated at a cost of Rs. 60 lakh.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.