வர்த்தகப் பயன்பாட்டுக்கான சிலிண்டர் விலை குறைவு!

ஹோட்டல்களில் பயன்படுத்தப்படும் 19 கிலோ எடையுடைய வர்த்தக சிலிண்டர் ஒன்றின் விலை இன்று(ஜூன் 1) ரூ. 25 குறைந்துள்ளது.

கடந்த ஏப்.1-ஆம் தேதி வர்த்தக சிலிண்டா் விலை ரூ.41, மே 1 ஆம் தேதி ரூ. 14.50 குறைக்கப்பட்ட நிலையில், தற்போது மூன்றாவது முறையாக விலை குறைக்கப்பட்டுள்ளது.

கடந்த மூன்றாண்டுகளில் இல்லாத அளவுக்கு கச்சா எண்ணெய் விலை குறைந்துள்ளதால், சமையல் எரிவாயு சிலிண்டரின் விலையும் குறைந்துள்ளது.

இதன்மூலம் தலைநகர் தில்லியில் ரூ.1,723.50-க்கும், மும்பையில் ரூ.1,674-க்கும், சென்னையில் ரூ. 1,881-க்கும், கொல்கத்தாவில் ரூ. 1,826-க்கும் வர்த்தக சிலிண்டர் விற்பனை செய்யப்படுகிறது.

இருப்பினும், உள்ளூா் சந்தையில் பெட்ரோல் மற்றும் டீசல் விலை எவ்வித மாற்றமுமின்றி தொடர்கிறது. கடந்த ஆண்டு மக்களவைத் தோ்தலுக்கு முன்பாக பெட்ரோல் மற்றும் டீசல் விலை லிட்டருக்கு தலா ரூ.2 குறைக்கப்பட்டது. இதைத் தொடா்ந்து, தில்லியில் ஒரு லிட்டர் பெட்ரோல் விலை ரூ.94.72-ஆகவும், டீசல் விலை ரூ.87.62-ஆகவும் நிா்ணயம் செய்யப்பட்டுள்ளது.

வீட்டு சமையல் எரிவாயு உருளை விலையில் மாற்றமில்லை

எனினும், வீடுகளில் பயன்படுத்தக்கூடிய 5 கிலோ, 10 கிலோ, 14.2 கிலோ சமையல் எரிவாயு உருளையின் விலையில் மாற்றமில்லை.

இதையும் படிக்க: சொல்லப் போனால்... ஐஏஎஸ் கனவு என்றொரு மாயவலை!