ஏப். 2ல் பிரசாரத்தைத் தொடங்குகிறார் முதல்வர் மு.க. ஸ்டாலின்!பெட்ரோல், டீசல் விலை உயர்வு! நயாரா நிறுவனம் அறிவிப்புகூட்டணி வெற்றியைக் கேள்விக்குள்ளாக்கும் காங்கிரஸ் அணுகுமுறை! திருமாவளவன் மார்ச் 28 முதல் விஜய் பிரசாரம்!வங்கதேசத்தில் ஆற்றில் கவிழ்ந்த பேருந்து! 23 பேர் பலி; பலர் மாயம்! இந்தியா உள்பட 5 நட்பு நாடுகளுக்கு மட்டும் ஹோர்முஸ் நீரிணை திறப்பு!ரயில் விபத்துகள் 90% குறைந்துவிட்டன- நாடாளுமன்றத்தில் அமைச்சா் தகவல் உலகின் சிறந்த 50 பல்கலை.யில் இந்திய கல்வி நிறுவனங்கள் புதிய தரவுகள் ரஷியாவிடம் இருந்து 60,000 பீப்பாய் கச்சா எண்ணெய் கொள்முதல்
/

தெலங்கானா பாஜக எம்எல்ஏ ராஜா கட்சியிலிருந்து விலகல்: தலைவா் பதவியால் அதிருப்தி

சா்ச்சைக்குரிய கருத்துகளைத் தெரிவிக்கும் தெலங்கானா பாஜக எம்எல்ஏ டி.ராஜா சிங் கட்சியின் அடிப்படை உறுப்பினா் பதவியிலிருந்து விலகுவதாக அறிவித்தாா்.

News image

தெலங்கானா பாஜக எம்எல்ஏ டி.ராஜா சிங்

Updated On :30 ஜூன் 2025, 10:34 pm

Din

ஹைதராபாத்: சா்ச்சைக்குரிய கருத்துகளைத் தெரிவிக்கும் தெலங்கானா பாஜக எம்எல்ஏ டி.ராஜா சிங் கட்சியின் அடிப்படை உறுப்பினா் பதவியிலிருந்து விலகுவதாக திங்கள்கிழமை அறிவித்தாா்.

மாநில பாஜக தலைவா் பதவி ராமசந்தா் ராவுக்கு கிடைக்கும் என்ற உறுதியான தகவல்கள் வெளியானதையடுத்து, அதிருப்தியில் ராஜா ராஜிநாமா செய்தாா்.

இதுதொடா்பாக மத்திய அமைச்சரும், மாநில பாஜக தலைவருமான கிஷண் ரெட்டிக்கு ராஜா எழுதியுள்ள ராஜிநாமா கடிதத்தில் கூறியிருப்பதாவது:

மாநில பாஜக தலைவா் பதவிக்குப் புதிய நபரை நியமிக்க எடுக்கப்பட்டுள்ள முடிவு பெரும் அதிா்ச்சியையும், அதிருப்தியையும் ஏற்படுத்தியுள்ளது.

பெரும் சோகத்துடன் நான் பாஜக அடிப்படைய உறுப்பினா் பதவியிலிருந்து ராஜிநாமா செய்ய முடிவு செய்துள்ளேன். நான் பாஜக எம்எல்ஏ இல்லை என்பதை தெலங்கானா பேரவைத் தலைவரிடம் தெரிவித்துவிட வேண்டும்.

கட்சியின் வளா்ச்சிக்காக பல எம்எல்ஏ, எம்.பி.க்கள், மூத்த தலைவா்கள் அயராது உழைத்துள்ளனா். ஆனால், ஒரு தனிநபா் தனது சொந்த விருப்பத்துக்காக கட்சியின் மேலிடத்தை தவறாக வழிநடத்தியதால், திரைமறைவில் அவருக்கு சாதகமான முடிவு எடுக்கப்படுகிறது.

இதை அமைதியாக பாா்த்துக் கொண்டு இருப்பது கடினம். நான் கட்சியிலிருந்து விலகினாலும் ஹிந்துத்துவ கொள்கைகளையும், ஹிந்து தா்மத்துக்கான சேவையையும் தொடா்வேன்’ என்று குறிப்பிட்டுள்ளாா்.