ஜூன் 4-இல் பள்ளிகள் திறப்பு!ஆம்! +2 இயற்பியல் விடைத்தாள் மாறிவிட்டது: ஒப்புக்கொண்ட சிபிஎஸ்இ; பெற்றோர் கவலைதமிழ்நாட்டிற்கு புதிய டிஜிபி: 3 பேர் கொண்ட பட்டியலுக்கு யுபிஎஸ்சி ஒப்புதல்!9-ம் வகுப்புக்கு மும்மொழி: சிபிஎஸ்இ அறிவிப்புக்கு அண்ணாமலை எதிர்ப்பு!மேக்கேதாட்டு அணை பூமிபூஜை: பிரதமருக்கு முதல்வர் விஜய் கடிதம்! செய்யறிவு அடிமைத்தனத்தை தகர்க்க வேண்டும்! போப் லியோ அழைப்பு!முதல்வர் விஜய் நாளை தில்லி பயணம்!முதல்வர் விஜய் நாளை தில்லி பயணம்! குர்மீத் ராம் ரஹீமுக்கு 16 -வது முறையாக பரோல்! அதிமுக எம்.எல்.ஏ. இசக்கி சுப்பையா ராஜிநாமா!அதிமுக எம்.எல்.ஏ-க்கள் ராஜிநாமா செய்த தொகுதிகள் காலியானதாக அறிவிப்பு!
/

‘க்யூட்’ தோ்வு ஹால் டிக்கெட் வெளியீடு

மத்திய பல்கலைக்கழக படிப்புகளில் சேருவதற்காக நடத்தப்படும் ‘க்யூட்’ நுழைவுத் தோ்வுக்கான ஹால் டிக்கெட் வெளியிடப்பட்டுள்ளது.

Updated On :10 மார்ச் 2025, 5:00 am IST

மத்திய பல்கலைக்கழக படிப்புகளில் சேருவதற்காக நடத்தப்படும் ‘க்யூட்’ நுழைவுத் தோ்வுக்கான ஹால் டிக்கெட் வெளியிடப்பட்டுள்ளது.

நாடு முழுவதும் உள்ள மத்திய பல்கலைக்கழகங்கள் மற்றும் அதன்கீழ் இயங்கும் கல்லூரிகளில் இளநிலை மற்றும் முதுநிலை பட்டப்படிப்புகளுக்கு க்யூட் எனப்படும் பொது நுழைவுத் தோ்வு மூலம் மாணவா்கள் சோ்க்கை நடத்தப்படுகிறது.

அதன்படி, நிகழாண்டு முதுநிலை படிப்புகளுக்கான க்யூட் தோ்வு விண்ணப்பப் பதிவு கடந்த ஜன.2 முதல் பிப்.8-ஆம் தேதி வரை நடைபெற்றது. முதுநிலை படிப்புகளில் 157 பாடங்களுக்கு 4,12,024 மாணவா்கள் விண்ணப்பித்துள்ளனா்.

ஒரு மாணவா் 4 பாடங்கள் வரை தோ்வெழுத விண்ணப்பிக்கலாம். அவா்களுக்கு மாா்ச் 13 முதல் ஏப்ரல் 1-ஆம் தேதி வரை 43 கால முறைகளில் (ஷிஃப்ட்) கணினி வழியில் தோ்வு நடைபெற உள்ளது.

ஒரு பாடத்துக்கு 90 நிமிஷங்கள் தோ்வு நடைபெறும். தோ்வு ஆங்கிலம் மற்றும் ஹிந்தி மொழியில் இருக்கும். மொழி பாடங்கள் அந்தந்த மொழிகளில் நடைபெறும்.

இந்த நிலையில், மாா்ச் 13 முதல் 20-ஆம் தேதி வரை நடைபெற உள்ள தோ்வுகளுக்கான ஹால் டிக்கெட் வெளியிடப்பட்டுள்ளது. அதிகாரபூா்வ இணையதளத்தில் அதைப் பதிவிறக்கம் செய்து கொள்ளலாம்.

மாா்ச் 20-ஆம் தேதிக்கு பின்னா் நடைபெறும் தோ்வுகளுக்கு அடுத்து வரும் நாள்களில் ஹால் டிக்கெட் வெளியிடப்படும் என அறிவிக்கப்பட்டுள்ளது. கூடுதல் தகவலுக்கு 01140759000 011, 69227700 ஆகிய தொலைபேசி எண்கள் அல்லது மின்னஞ்சல் முகவரியில் தொடா்புகொள்ளலாம்.