சந்தரகாச்சி, ஷாலிமா் ரயில்கள் ரத்து

சென்னை, திருவனந்தபுரத்தில் இருந்து மேற்கு வங்க மாநிலம் சந்தரகாச்சி மற்றும் ஷாலிமருக்கு செல்லும் சிறப்பு ரயில்கள் ரத்து செய்யப்பட்டுள்ளன.

இதுகுறித்து தெற்கு ரயில்வே வியாழக்கிழமை வெளியிட்ட செய்திக் குறிப்பு:

சென்னை சென்ட்ரலில் இருந்து சந்தரகாச்சிக்கு மாா்ச் 29, ஏப். 2 ஆகிய தேதிகளிலும், மறுமாா்க்கமாக சந்தரகாச்சியிலிருந்து மாா்ச் 31, ஏப். 4 ஆகிய தேதிகளிலும் சிறப்பு ரயில் (எண் 06077, 06078) இயக்கப்படவிருந்தது.

கேரள மாநிலம் திருவனந்தபுரம் வடக்கில் (கொச்சுவேலி) இருந்து ஷாலிமருக்கு மாா்ச் 28, ஏப். 4 ஆகிய தேதிகளிலும், மறுமாா்க்கமாக ஷாலிமரிலிருந்து மாா்ச் 31, ஏப். 7 ஆகிய தேதிகளிலும் சிறப்பு ரயில் (எண் 06081, 06082) இயக்கப்படவிருந்தது. இந்நிலையில், இந்த ரயில்கள் ரத்து செய்யப்பட்டுள்ளதாக தெரிவிக்கப்பட்டுள்ளது.