ராகவ் சத்தாவுக்கு 60 எம்எல்ஏ-க்கள் ஆதரவா? பரபரப்பில் பஞ்சாப் அரசியல் களம்!

பாஜகவில் இணைந்த ராகவ் சத்தா எம்.பி.க்கு 63 ஆம் ஆத்மி எம்எல்ஏ-க்கள் ஆதரவளிப்பதாகத் தகவல்

அரவிந்த் கேஜரிவால் | பகவந்த் மான் (உள்படம்: ராகவ் சத்தா) - சித்திரிப்பு

Updated On :26 ஏப்ரல் 2026, 8:23 am IST

பாஜகவில் இணைந்த ராகவ் சத்தா எம்.பி.க்கு 63 ஆம் ஆத்மி எம்எல்ஏ-க்கள் ஆதரவளிப்பதாகத் தகவல்கள் தெரிவிக்கின்றன.

பஞ்சாபில் ஆம் ஆத்மியின் மாநிலங்களவை எம்.பி. ராகவ் சத்தா, உள்கட்சிப் பூசல் காரணமாக, வெள்ளிக்கிழமையில் பாஜகவில் இணைந்தார். அவருடன் சேர்த்து மொத்தம் 7 ஆம் ஆத்மி எம்.பி.க்கள் பாஜகவில் இணைந்தனர்.

இந்த நிலையில், ராகவ் சத்தா பாஜகவில் இணைந்திருந்தாலும், அவருடன் ஆம் ஆத்மி எம்எல்ஏ-க்கள் பலரும் தொடர்ந்து தொடர்பிலிருப்பதாகத் தகவல்கள் தெரிவிக்கின்றன.

பஞ்சாப் ஆம் ஆத்மி கட்சியில் முன்னர் இருந்தே உள்கட்சிப் பூசல் இருப்பதாகவும், கட்சி மீது சுமார் 18 எம்எல்ஏ-க்கள் அதிருப்தியில் இருப்பதாகவும் கூறப்படுகிறது. இதனிடையே, கட்சியிலிருந்து விலகிய ராகவ் சத்தாவுக்கு 63 எம்எல்ஏ-க்கள் ஆதரவளிப்பதாகவும் கூறப்படுகிறது.

பஞ்சாப் சட்டப்பேரவையில் 117 இடங்கள் உள்ள நிலையில், ஆம் ஆத்மி எம்எல்ஏ-க்களின் ஆதரவை ராகவ் சத்தா பெறுவாரேயானால், அது கட்சியின் தலைமைத்துவப் போட்டிக்கும் வழி வகுக்கலாம்.

அதுமட்டுமின்றி, அதிகாரபூர்வ அறிவிப்புகள் இல்லையென்றாலும், ராகவ் சத்தா முதல்வராக வேட்பாளராகக் கூட வாய்ப்புகள் இருப்பதாக அரசியல் வட்டாரங்கள் கூறுகின்றன.