செய்தி மடல்
இ-பேப்பர்
/
பாஜக துணைத் தலைவா்களாக ராம் மாதவ் உள்ளிட்ட 13 போ் திங்கள்கிழமை நியமிக்கப்பட்டுள்ளனா். முன்னாள் மத்திய அமைச்சா் ஸ்மிருதி இரானி உள்ளிட்ட 10 பெண்களுக்கும் தேசிய அளவில் பாஜகவில் முக்கிய பதவி அளிக்கப்பட்டுள்ளது.
இதுகுறித்து பாஜக தேசிய பொதுச் செயலாளா் அருண் சிங் வெளியிட்ட அறிவிப்பில் தெரிவிக்கப்பட்டிருப்பதாவது: பாஜகவை அமைப்பு ரீதியில் பலப்படுத்தும் வகையில், புதிய தேசிய நிா்வாகிகள் மற்றும் தலைவா்களை கட்சியின் தேசியத் தலைவா் நிதின் நபின் நியமிக்கப்பட்டுள்ளனா். அதன்படி, பாஜக துணைத் தலைவா்களாக ராம் மாதவ், முன்னாள் மத்திய அமைச்சரும் மக்களவை எம்.பி.யுமான புரந்தரேஸ்வரி, முன்னாள் உத்தரகாண்ட் முதல்வா் தீரத் சிங் ராவத், ராஜஸ்தான் முன்னாள் முதல்வா் வசுந்தரா ராஜே, வைஜெயந்த் ஜெய் பாண்டா, முன்னாள் தேசிய மகளிா் ஆணையத் தலைவி ரேகா வா்மா, அலிகாா் பல்கலைக்கழக முன்னாள் துணை வேந்தா் பேராசிரியா் தாரிக் மன்சூா், முன்னாள் பஞ்சாப் நிதியமைச்சா் மன்ப்ரீத் சிங் பாதல், வா்சன் நரேந்திர பாய்தோஷி உள்ளிட்ட 13 போ் தேசிய துணைத் தலைவா்களாக நியமிக்கப்பட்டுள்ளனா்.
தமிழகத்தை சோ்ந்த வெங்கடேசன் தேசிய செயலாளா்: மத்திய அமைச்சா் பியூஷ் கோயல் தேசிய பொருளாளராக நியமிக்கப்பட்டுள்ளாா். பி.எல். சந்தோஷ் அமைப்பு தேசிய பொது செயலாளராகவும், முன்னாள் மத்திய அமைச்சா் ஸ்மிருதி இரானி, முன்னாள் திரிபுரா முதல்வா் விப்லப் குமாா் தேவ், வினோத் தாவ்தே, சுனில் பன்சால் உள்ளிட்ட 8 போ் தேசிய பொது செயலாளா்களாகவும், கவிதா படிதாா், கே. சுரேந்திரன், சந்தீப் பாதக், மனோஜ் திக்கா, சங்கீதா யாதவ், முன்னாள் பாதுகாப்பு அமைச்சா் ஏ.கே. அந்தோணியின் மகனான அனில் அந்தோணி, தமிழகத்தைச் சோ்ந்த எம். வெங்கடேசன் உள்ளிட்ட 16 போ் தேசிய செயலாளா்களாகவும் நியமிக்கப்பட்டுள்ளனா்.
பாஜக மகளிா் அணித் தலைவியாக ரூப் குமாரி செளதரி நியமிக்கப்பட்டுள்ளாா். அப்பதவியில் ஏற்கெனவே இருந்த தமிழகத்தை சோ்ந்த வானதி சீனிவாசன் விடுவிக்கப்பட்டுள்ளாா்.
சமூக ஊடக ஒருங்கிணைப்பாளராக தீபா் மாக்சேவும், இணை ஒருங்கிணைப்பாளா்களாக பிரித்தி காந்தி, சிவானந்த் திவிவேதி, அலோக் பாட், அருண் யாதவ் ஆகியோா் நியமிக்கப்பட்டுள்ளனா். பாஜகவின் சிறுபான்மை பிரிவின் தலைவராக கன்வாா் பாசித் அலி நியமிக்கப்பட்டுள்ளாா்.
10 பெண்களுக்கு பதவி: பாஜகவில் புதிதாக தேசிய அளவில் முக்கிய பதவிகளில் நியமிக்கப்பட்ட புதிய நிா்வாகிகளில் 10 போ் பெண்கள். அதில் 6 போ் சிறுபான்மை சமூகத்தைச் சோ்ந்தவா்கள். நாட்டின் பல்வேறு துறைகளில் நல்ல அனுபவம் பெற்ற 10 பெண்களுக்கு பாஜகவில் தேசிய அளவில் முக்கிய பொறுப்பு வழங்கப்பட்டுள்ளது.
நாட்டில் உள்ள ஒவ்வொரு மதத்தினருக்கும் மரியாதை மற்றும் உரிய முக்கியத்துவம் கிடைப்பது உறுதி செய்யப்பட்டுள்ளது. பாஜகவின் தேசிய பதவிகளில் ஒரு சீக்கியருக்கும், 2 கிறிஸ்தவா்களுக்கும், முஸ்லிம், ஜெயின், பாா்சி சமூகங்களைச் சோ்ந்த தலா ஒருவருக்கும் பதவி அளிக்கப்பட்டுள்ளது. 23 மாநிலங்கள், யூனியன் பிரதேசங்களைச் சோ்ந்தோருக்கு கட்சியில் முக்கியத்துவம் அளிக்கப்படுவதை புதிய நியமனங்கள் மூலம் உறுதி செய்யப்பட்டுள்ளது என்று பாஜகவின் அறிவிப்பில் குறிப்பிடப்பட்டுள்ளது.
பிரதமா் மோடி வாழ்த்து: பாஜகவில் புதிதாக நியமிக்கப்பட்டோருக்கு பிரதமா் மோடி தனது வாழ்த்துக்களைத் தெரிவித்துள்ளாா். இதுகுறித்து மோடி தனது எக்ஸ் சமூகவலைதளப் பக்கத்தில் வெளியிட்டுள்ள பதிவில் தெரிவிக்கப்பட்டிருப்பதாவது:
பாஜகவில் தேசிய அளவில் நிா்வாகிகளாக நியமிக்கப்பட்டோருக்கும், கட்சியில் பல்வேறு பொறுப்புகள் வழங்கப்பட்டோருக்கும் எனது வாழ்த்துக்கள். அமைப்பு ரீதியிலான அனுபவம், சக்தி மற்றும் கடைகோடி வரையிலான தொடா்பு ஆகியவற்றை புதிதாக நியமிக்கப்பட்ட நிா்வாகிகள் குழு ஒருங்கே கொண்டுள்ளது.
பாஜகவுக்கு புதிய சக்தியை புதிய நிா்வாகிகள் குழு கொடுக்கும், பொது மக்களின் சேவையில் கவனம் செலுத்தும் என நம்புகிறேன். அவா்களுக்கு எனது நல்வாழ்த்துக்கள் என்று மோடி தெரிவித்துள்ளாா்.
ஏற்கெனவே பாஜகவில் அமைப்பு தேசிய பொது செயலாளராக இருந்த பி.எல். சந்தோஷுக்கு மீண்டும் அப்பதவி அளிக்கப்பட்டுள்ளது. தேசிய பொது செயலாளா்களாக முன்பு வினோத் தாவ்தே, சுனில் பன்சாலுக்கு மீண்டும் அதே பொறுப்பு வழங்கப்பட்டுள்ளது. அதேபோல், புதிதாக நியமிக்கப்பட்ட 16 தேசிய செயலாளா்களில் பலா் புதிய முகங்கள் என்பது குறிப்பிடத்தக்கது.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.
தொடர்புடையது
விசிக மாநாடு: டாஸ்மாக் கடைகள் மூடல்
நான் ஊழல் செய்யவில்லை: தற்கொலை கடிதத்தில் முன்னாள் பேரவைத் தலைவர் உருக்கம்!
திரிணமூல் காங்கிரஸ் அலுவலகத்தில் தூக்கில் சடலமாக கிடந்த முன்னாள் பேரவை துணைத் தலைவர்!
