தெரு நாய்கள் விவகாரம்: மேனகா காந்தி விமா்சனத்துக்கு உச்சநீதிமன்றம் கண்டனம்

தெரு நாய்கள் விவகாரத்தில் உச்சநீதிமன்றம் பிறப்பித்த உத்தரவுகளை விமா்சித்த முன்னாள் மத்திய அமைச்சா் மேனகா காந்திக்கு உச்சநீதிமன்றம் செவ்வாய்க்கிழமை கண்டனம் தெரிவித்தது.

மேலும், இந்த விவகாரத்தில் பிறப்பித்த உத்தரவுகளை மேனகா காந்தி விமா்சித்தது நீதிமன்ற அவமதிப்புக்கு சமமானது எனவும் உச்சநீதிமன்றம் தெரிவித்தது.

நாட்டின் தலைநகரான புது தில்லியில் தெரு நாய்கள் கடித்து ரேபிஸ் நோய் ஏற்படுவதாக, குறிப்பாக சிறாா்கள் அந்த நோயால் பாதிக்கப்படுவதாக ஊடகத்தில் வெளியான தகவலைத் தொடா்ந்து, இந்த விவகாரத்தை உச்சநீதிமன்றம் தாமாக முன்வந்து விசாரித்து வருகிறது.

இந்நிலையில், கல்வி நிறுவன வளாகங்கள், மருத்துவமனைகள், பேருந்து நிலையங்கள், ரயில் நிலையங்கள் உள்ளிட்ட அரசு மற்றும் பொது நிறுவன வளாகங்களில் சுற்றித் திரியும் தெரு நாய்கள் அனைத்தையும் பிடித்து காப்பகங்களில் விடவேண்டும் என்று கடந்த ஆண்டு நவ. 7-ஆம் தேதி உச்சநீதிமன்றத்தின் மூன்று நீதிபதிகள் அமா்வு உத்தரவிட்டது.

இதை விமா்சித்த மேனகா காந்தி, ‘உச்சநீதிமன்றம் கூறுவதுபோல் தெரு நாய்களைப் பிடித்து காப்பகங்களில் அடைப்பது சாத்தியமற்றது. கோபத்தில் உள்ள ஒருவா் இந்த உத்தரவைப் பிறப்பித்ததுபோல் உள்ளது.

5,000 தெரு நாய்களை அடைக்கவே 50 காப்பகங்கள் தேவைப்படும் நிலையில், 8 லட்சம் தெரு நாய்களை எவ்வாறு கூண்டுக்குள் அடைக்க முடியும்?’ என கேள்வியெழுப்பினாா்.

தெரு நாய்கள் விவகாரம் தொடா்பாக கடந்த சில நாள்களாக உச்சநீதிமன்ற நீதிபதிகள் விக்ரம் நாத், சந்தீப் மேத்தா மற்றும் என்.வி.அஞ்சாரியா ஆகியோா் அடங்கிய அமா்வு முன் விசாரணை நடைபெற்று வருகிறது.

அவ்வாறு செவ்வாய்க்கிழமை நடைபெற்ற விசாரணையின்போது மேனகா காந்தியின் கருத்துகளை குறிப்பிடாமல் அவா் சாா்பில் ஆஜரான வழக்குரைஞா் ராஜு ராமசந்திரனிடம் நீதிபதிகள் கண்டனத்தைப் பதிவு செய்தனா்.

‘நீதிமன்ற அவமதிப்புக்குச் சமம்’:

ராஜு ராமசந்திரனிடம் நீதிபதிகள் கூறியதாவது: நீங்கள் யாருக்காக வாதிடுகிறீா்களோ அவா் பேசியதை முழுமையாக கேட்டீா்களா? எங்கள் அனைவரையும் அவா் கடுமையாக விமா்சித்துள்ளாா். விமா்சித்த சமயத்தில் அவரது உடல்மொழியை நீங்கள் பாா்த்தீா்களா? மேனகா காந்தியின் செயல்பாடுகள் நீதிமன்ற அவமதிப்புக்குச் சமமானது. ஆனாலும் பெருந்தன்மையாக அவா் மீது உச்சநீதிமன்றம் நடவடிக்கை எடுக்க விரும்பவில்லை’ என்றனா்.

அதன்பிறகு ராஜு ராமசந்திரன் வாதிடுகையில், ‘அரசியல்வாதிகள் பல்வேறு கருத்துகளை கூறுவது இயல்பு. அதை நீதிமன்ற அவமதிப்பாக கருத முடியாது. மும்பை பயங்கரவாத தாக்குதலில் தொடா்புடைய பயங்கரவாதி அஜ்மல் கசாப் சாா்பாகவும் நான் ஆஜரானேன்’ என்றாா்.

இதைத்தொடா்ந்து நீதிபதிகள் அமா்வு கூறுகையில், ‘அஜ்மல் கசாப் நீதிமன்றத்தை அவமதிக்கவில்லை. மேனகா காந்தி அவமதித்துள்ளாா். நாடாளுமன்ற உறுப்பினா், மத்திய அமைச்சா், விலங்குகள் நல ஆா்வலராக நீண்டகாலமாக உள்ள மேனகா காந்தி விலங்குகள் தொடா்பான விவகாரங்களுக்கு தீா்வுகாண மேற்கொண்ட முன்னெடுப்புகள் என்ன? அவா் ஒதுக்கிய நிதி விவரங்களை ஏன் குறிப்பிடவில்லை?’ என கேள்வியெழுப்பினா்.

அது அரசின் கொள்கை ரீதியான முடிவென்பதால் வாய்மொழியாக பதிலளிக்க இயலாது என ராஜு ராமசந்திரன் தெரிவித்தாா்.