குஜராத் வனத்துறை அதிகாரிகளைத் தாக்கிய வழக்கு: ஆம் ஆத்மி எம்எல்ஏ உள்பட 8 பேருக்கு சிறை!

குஜராத் வனத்துறை அதிகாரிகளைத் தாக்கி, மிரட்டிப் பணம் பறிக்க முயன்ற வழக்குத் தொடர்பாக ஆம் ஆத்மி எம்எல்ஏ சைதர் வாசவா உள்பட 8 பேருக்கு அம்மாநில அமர்வு நீதிமன்றம் ஏழு ஆண்டுகள் சிறைத் தண்டனை விதித்து உத்தரவிட்டுள்ளது.

வழக்கின் பின்னணி என்ன?

2023-ஆம் ஆண்டு நவம்பரில், அரசு நிலத்தில் சட்டவிரோதமாகப் பயிரிடப்பட்ட பயிர்களை வனத்துறை அதிகாரிகள் அகற்றினர். இதுகுறித்துப் பேச அதிகாரிகளைத் தனது இல்லத்திற்கு அழைத்த எம்எல்ஏ சைதர் வாசவா, வனத்துறை அதிகாரிகளைத் தாக்கி, மிரட்டியதாகக் குற்றம் சாட்டப்பட்டது. அதற்கடுத்து அதிகாரிகளை மிரட்டி பணம் பறித்ததாகவும் வழக்குப் பதிவு செய்யப்பட்டது.

தேடியாபாடா பழங்குடியினர் தனித் தொகுதி சட்டப்பேரவைத் தொகுதியைப் பிரதிநிதித்துவப்படுத்தும் பழங்குடியினத் தலைவரான வாசவா மற்றும் அவருடன் குற்றம் சாட்டப்பட்டவர்கள் மீது கலவரம், மிரட்டிப் பணம் பறித்தல், அரசு அதிகாரிகள் மீதான தாக்குதல் தொடர்பான சட்டப் பிரிவுகளின் கீழ் வழக்குப் பதிவு செய்யப்பட்டு விசாரணை நடைபெற்று வந்தது.

இந்த நிலையில், இந்த வழக்கு இன்று விசாரணைக்கு வந்தது. இச்சம்பவம் தொடர்பாக, வாசவா அவரது மனைவி சகுந்தலா வாசவா மற்றும் பிறரைக் கூடுதல் அமர்வு நீதிபதி ஏ.வி. ஹிர்பாரா குற்றவாளிகள் என அறிவித்தார்.

இதையடுத்த, அரசு அதிகாரிகளைப் பணி செய்யவிடாமல் தடுத்தல், தாக்குதல், மிரட்டிப் பணம் பறித்தல் மற்றும் ஆயுதச் சட்டம் ஆகிய பிரிவுகளின் கீழ் குஜராத் நீதிமன்றம் சைதர் வாசவா, அவரது மனைவி சகுந்தலா வாசவா உள்பட 8 பேரை குற்றவாளிகளாக அறிவித்து 7 ஆண்டுகள் சிறைத் தண்டனை விதித்துள்ளது.

இந்த வழக்கு தொடர்புடைய மேல்முறையீட்டு நடவடிக்கைகள், நீதிமன்றத்தின் அடுத்தகட்ட முடிவுகள் விரைவில் வெளியாகும் என எதிர்பார்க்கப்படுகிறது.

A sessions court here on Tuesday sentenced Aam Aadmi Party (AAP) MLA Chaitar Vasava and eight others including his wife to seven-year imprisonment in a November 2023 case involving assault of forest officials and extortion.