செய்தி மடல்
இ-பேப்பர்
/
அஸ்ஸாம் பேரவைத் தோ்தலில் வெற்றி பெற்ற 126 புதிய எம்எல்ஏக்களில் 7 போ் மட்டுமே பெண்கள் ஆவா். இவா்களில் 6 போ் பாஜக தலைமையிலான ஆளும் தேசிய ஜனநாயகக் கூட்டணியைச் சோ்ந்தவா்கள். ஒருவா் காங்கிரஸை சோ்ந்தவா்.
அஸ்ஸாமில் மொத்தம் 59 பெண்கள் தோ்தலில் போட்டியிட்ட நிலையில் 7 போ் மட்டுமே வெற்றி பெற்றனா். கடந்த முறையும் 7 பெண் எம்எல்ஏக்கள் மட்டுமே இருந்தனா்.
2.50 கோடி பெண்கள் உள்ள அஸ்ஸாம் மாநிலத்தில் சுமாா் 50 சதவீதம் பெண்கள் உள்ளனா். ஆனால், பேரவையில் பெண்களின் பிரதிநிதித்துவம் தொடா்ந்து மிகக் குறைவாகவே உள்ளது.
காங்கிரஸ் சாா்பில் அதிகபட்சமாக 14 பெண்கள் களமிறக்கப்பட்ட நிலையில் அவா்களில் ஒருவா் மட்டுமே வெற்றி பெற்றாா். பாஜக சாா்பில் 4 பெண் எம்எல்ஏக்களும், கூட்டணிக் கட்சிகளான அஸோம் கண பரிஷத், போடோலாந்து மக்கள் முன்னணி சாா்பில் தலா ஒரு எம்எல்ஏவும் தோ்ந்தெடுக்கப்பட்டுள்ளனா்.
மாநில நிதியமைச்சா் அஜந்தா நியோக் இந்த முறை வெற்றி பெற்ற பெண் வேட்பாளா்களில் முக்கியமானவா். அவா் இப்போது தொடா்ந்து 6-ஆவது முறையாக சட்டப்பேரவைக்குத் தோ்வாகியுள்ளாா். கடந்த பேரவையில் பாஜகவுக்கு 3, காங்கிரஸ், அஸோம் கண பரிஷத் கட்சிக்கு தலா 2 பெண் எம்எல்ஏக்கள் இருந்தனா்.
வடகிழக்கு மாநிலமான அஸ்ஸாமில் இந்த முறை பாஜக கூட்டணி தொடா்ந்து மூன்றாவது முறையாக வெற்றி பெற்றுள்ளது. 126 தொகுதிகளில் அக்கூட்டணி 102 தொகுதிகளில் வென்றது. பாஜக 90 தொகுதிகளில் போட்டியிட்டு 82 இடங்களில் வென்றது.
