மணிப்பூரில் கடந்த மூன்று நாள்களில் கள்ளச்சாராயம் அருந்தி 8 பேர் பலி! இந்திய கபடி அணி முன்னாள் கேப்டன் யத்விந்தர் சிங் ஆம் ஆத்மியில் இணைவு! கொளத்தூர் எம்.எல்.ஏ. வி.எஸ். பாபுவின் உடல் தகனம்! குடியரசு துணைத் தலைவர் வருகை: சென்னையில் நவ. 21, 22 தேதிகளில் போக்குவரத்து மாற்றம் திருப்பரங்குன்றம் விவகாரம்; முதல்வர் விஜய்க்கு மு.க. ஸ்டாலின் கேள்வி!குட்கா முறைகேடு வழக்கு: சி. விஜயபாஸ்கர் மனு வாபஸ் மதுரை நகைக்கடை கொள்ளை வழக்கு: நிஷாந்தின் நீதிமன்றக் காவல் மேலும் நீட்டிப்பு ஒரே நேரத்தில் பணியாளர்கள் ராஜிநாமா செய்தனரா? வழிகாட்டுதல் தமிழ்நாடு விளக்கம்திருப்பரங்குன்றம் தூணில் தீபம் ஏற்ற அனுமதி! உச்ச நீதிமன்றத்தின் முக்கிய நிபந்தனைகள்!!

தில்லி உயிரியல் பூங்காவில் 488 சிசிடிவி கேமராக்கள் அமைக்க முடிவு

தில்லி தேசிய உயிரியல் பூங்காவில் தொடா்ந்து விலங்குகள் உயிரிழப்பு, விலங்குகள் அடைப்பிடங்களில் இருந்து தப்பியோடும் சம்பவங்கள் நிகழ்ந்ததைத் தொடா்ந்து, விலங்குகளின் பாதுகாப்பை உறுதிப்படுத்தும் வகையில் பூங்கா முழுவதும் 488 சிசிடிவி கேமராக்கள் பொருத்தப்பட உள்ளன.

(கோப்புப் படம்)

Updated On :

தில்லி தேசிய உயிரியல் பூங்காவில் தொடா்ந்து விலங்குகள் உயிரிழப்பு, விலங்குகள் அடைப்பிடங்களில் இருந்து தப்பியோடும் சம்பவங்கள் நிகழ்ந்ததைத் தொடா்ந்து, விலங்குகளின் பாதுகாப்பை உறுதிப்படுத்தும் வகையில் பூங்கா முழுவதும் 488 சிசிடிவி கேமராக்கள் பொருத்தப்பட உள்ளன.

தில்லியில் உள்ள தேசிய உயிரியல் பூங்காவில் விலங்குகளின் அடைப்பிடங்களைக் கண்காணிப்பதில் குறைபாடுகள் இருப்பதாகவும், அவசரச் சூழல்களில் உரிய நேரத்தில் நடவடிக்கை எடுக்கப்படுவதில்லை என்றும் புகாா்கள் எழுந்தன. இதையடுத்து, கண்காணிப்பைத் தீவிரப்படுத்தும் நடவடிக்கையாகப் புதிய சிசிடிவி கேமராக்கள் பொருத்தப்பட உள்ளன.

இதற்காக ரூ.34.27 லட்சம் செலவிட மதிப்பிடப்பட்டுள்ளது. இந்தத் திட்டத்தின்கீழ் புல்லட், டோம் மற்றும் பான்-டில்ட்-ஜூம் (பிடிஇசட்) வகைகளைச் சோ்ந்த 488 சிசிடிவி கேமராக்கள் பொருத்தப்பட உள்ளன. இவற்றின் மூலம் பூங்காவின் பல்வேறு பகுதிகளில் விலங்குகளின் நடமாட்டம் தொடா்ந்து கண்காணிக்கப்படும்.

குறிப்பாக, பிடிஇசட் கேமராக்களைத் தேவைக்கேற்ப கிடைமட்டமாகவும், செங்குத்தாகவும் நகா்த்தி, குறிப்பிட்ட பகுதிகளை அருகில் இருந்து கண்காணிக்க முடியும். மற்ற கேமராக்கள் குறிப்பிட்ட இடங்கள் மற்றும் பரந்த பகுதிகளைக் கண்காணிக்க உதவும்.

மேலும், அசைவுகளைக் கண்டறிதல், தொலைதூரத்தில் இருந்தே கண்காணித்தல், விடியோ பதிவுசெய்தல், பழைய பதிவுகளை மீண்டும் பாா்வையிடுதல் உள்ளிட்ட வசதிகளும் இடம்பெற உள்ளன. இதன்மூலம் ஏதேனும் அசம்பாவிதம் நிகழும்போது, அதுதொடா்பான பதிவுகளை ஆய்வு செய்து உரிய நடவடிக்கை எடுக்க முடியும்.

இந்தக் கண்காணிப்பு அமைப்பைப் பராமரிப்பதற்காக, ஏற்கெனவே உள்ள சுமாா் 13 கி.மீ. நீள ஒளியிழை மற்றும் மின்சாரக் கேபிள் கட்டமைப்புகளும் பராமரிப்பு ஒப்பந்தத்தின்கீழ் கொண்டுவரப்பட உள்ளன. இதற்காகத் தகுதிவாய்ந்த கண்காணிப்பு கேமரா மற்றும் இணையக் கட்டமைப்புப் பொறியாளா் ஒருவரும் நியமிக்கப்பட உள்ளாா்.

தொடா் சம்பவங்கள்: தில்லி உயிரியல் பூங்காவில் அண்மையில் ஒரு குள்ளநரி அடைப்பிடத்திலிருந்து தப்பிச் சென்றது. மேலும், கரடி அடைப்பிடத்துக்கு அருகேயுள்ள குகையில் தீ மற்றும் மிளகாய்த்தூளைப் பயன்படுத்தி குள்ளநரி கொல்லப்பட்டதாகப் புகாா் எழுந்தது. இந்தச் சம்பவம் தொடா்பாக சிசிடிவி பதிவுகள், ஊழியா்களின் வாக்குமூலங்கள் உள்ளிட்டவற்றின் அடிப்படையில் சுதந்திரமான விசாரணை நடத்த வேண்டும் என்றும் கோரிக்கை விடுக்கப்பட்டது.

அதேபோல், பூங்காவில் ஒரு சிங்கார மான் உயிரிழந்தது தொடா்பாகவும், உரிய மருத்துவக் கண்காணிப்பு மற்றும் சிகிச்சை அளிப்பதில் குறைபாடுகள் இருந்ததாகப் புகாா் எழுந்தது. மேலும், வெள்ளைப் புலி ஒன்றின் பின்னங்காலில் ஏற்பட்ட காயத்துக்கு அறுவைச் சிகிச்சை மேற்கொள்ளப்பட்டும் பலனளிக்கவில்லை என்ற குற்றச்சாட்டும் எழுந்தது.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.