முதல்வர் விஜய் ஒரு போலி பெரியாரிஸ்ட்: உதயநிதி ஸ்டாலின் விமர்சனம்!போதைப்பொருள்களுக்கும் வன்கொடுமைகளுக்கும் நடுவேதான் போட்டி: மு.க. ஸ்டாலின்ஃபேஷனுக்காக பெரியாரை கொள்கைத் தலைவராக வைத்துள்ளது தவெக! ஜோசியத்தை நம்பியே ஆட்சி! மு.க. ஸ்டாலின்ஷேக் ஹசீனா கட்சியினருக்கு எதிராக வன்முறை! 30 வீடுகளுக்குத் தீவைப்பு!ஐஐடி மாணவர்களுக்கு இணையான அங்கீகாரம் ஐடிஐ மாணவர்களுக்கு கிடைக்கும்: மோடிகள்ளக்குறிச்சி எம்எல்ஏ விவகாரத்தில் இன்னும் எதற்காக மௌனம் காக்கிறார் முதல்வர்? டிடிவி தினகரன் கேள்வி தங்கம் விலை சரிவு; வணிகர்களை நஷ்டத்தில் இருந்து காப்பாற்றிய பிரதமர் மோடி: பாஜக பெருமிதம்! தவெக ஆட்சியில் டெல்டா விவசாயிகள் கடுமையாகப் பாதிக்கப்பட்டுள்ளனர்: எடப்பாடி பழனிசாமி வானிலை: சென்னையில் நாளை(நவ.23) கனமழைக்கு வாய்ப்பு! பஹ்ரைனில் உள்ள அமெரிக்க தளவாடங்கள் மீது ஈரான் தாக்குதல்!

இந்தியா - ஐரோப்பிய யூனியன் டிசம்பா் 16-இல் தடையற்ற வா்த்தக ஒப்பந்தம்

இந்தியா - ஐரோப்பிய யூனியன் டிசம்பா் 16-இல் தடையற்ற வா்த்தக ஒப்பந்தம்...

Updated On :

இந்தியா மற்றும் 27 நாடுகளின் கூட்டமைப்பான ஐரோப்பிய யூனியன் இடையே டிசம்பா் 16-ஆம் தேதி தடையற்ற வா்த்தக ஒப்பந்தம் கையொப்பமாக இருப்பதாக மத்திய அரசு வட்டாரங்கள் தெரிவித்துள்ளன.

இந்த ஒப்பந்தம் தொடா்பான பேச்சுவாா்த்தையை கடந்த ஜனவரி 27-ஆம் தேதியை இரு தரப்பும் நிறைவு செய்தன.

இந்தியாவுக்கான ஐரோப்பிய யூனியன் தூதா் ஜீன்-எரிக் பாக்கே இது தொடா்பாக அண்மையில் பேசுகையில், டிசம்பரில் பிரதமா் நரேந்திர மோடி பெல்ஜியம் தலைநகா் பிரெஸ்ஸல்ஸ் செல்லும்போது இந்த வா்த்தக ஒப்பந்தம் கையொப்பமாகும். அடுத்த ஆண்டு முதல் நடைமுறைக்கு வரும்’ என்று தெரிவித்தாா்.

இந்த ஒப்பந்தத்தை இறுதி செய்வதற்கு அனுமதி கோரி, இறுதி சட்ட வரைவுடன் கூடிய முன்மொழிவுகளை ஐரோப்பிய ஆணையம் ஏற்கெனவே ஐரோப்பிய யூனியன் கவுன்சிலிடம் சமா்ப்பித்துள்ளது. இதில் இறக்குமதி வரி தொடா்பான அட்டவணைகளும் இடம்பெற்றுள்ளன.

இந்தியாவுக்கு என்னென்ன நன்மைகள்? ‘அனைத்து ஒப்பந்தங்களின் தாய்’ என்று வா்ணிக்கப்படும் இந்த தடையற்ற வா்த்தக ஒப்பந்தத்தின்படி, இந்தியாவிலிருந்து ஐரோப்பிய யூனியன் நாடுகளுக்கு ஏற்றுமதி செய்யப்படும் பொருள்களில் 93 சதவீதம் அளவுக்கு சுங்க வரி இருக்காது. ஐரோப்பிய யூனியன் நாடுகளிலிருந்து இறக்குமதி செய்யப்படும் சொகுசு காா்கள், ஒயின் விலை குறையும்.

இந்திய ஏற்றுமதியாளா்களுக்கு ஐரோப்பிய சந்தையில் அதிக வாய்ப்புகள் கிடைக்கும்.

சுமாா் 20 ஆண்டுகளுக்கு மேலாக மேலாக நடைபெற்ற பேச்சுவாா்த்தைகளுக்குப் பிறகு இந்த ஒப்பந்தம் இறுதி செய்யப்பட்டுள்ளது.

இந்த ஒப்பந்தத்தின் மூலம் உலகின் நான்காவது பெரிய பொருளாதார நாடான இந்தியாவும், உலகின் இரண்டாவது பெரிய பொருளாதாரக் கூட்டமைப்பான ஐரோப்பிய யூனியனும் இணைந்து சுமாா் 200 கோடி மக்களைக் கொண்ட மிகப்பெரிய சந்தையை உருவாக்க உள்ளன.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.