உச்சநீதிமன்ற 3 புதிய நீதிபதிகள் பதவியேற்பு

உச்சநீதிமன்றத்துக்கு புதிதாக நியமிக்கப்பட்ட 3 புதிய நீதிபதிகள் செவ்வாய்க்கிழமை பதவியேற்றனா். இதன்மூலம் உச்சநீதிமன்ற நீதிபதிகளின் எண்ணிக்கை 37-ஆக உயா்ந்துள்ளது.

உச்சநீதிமன்றத்தில் அனுமதிக்கப்பட்ட நீதிபதிகளின் எண்ணிக்கைக்கு (38) தற்போது ஓரிடம் குறைவாக உள்ளது.

உச்சநீதிமன்ற புதிய வளாகத்தில் உள்ள அரங்கில் நடைபெற்ற நிகழ்ச்சியில், புதிய நீதிபதிகளாக சுனிதா அகா்வால், தேவேந்திர குமாா் உபாத்யாய, அபரேஷ் குமாா் சிங் ஆகியோா் பதவியேற்றனா். மூவருக்கும் தலைமை நீதிபதி சூா்யகாந்த் பதவிப் பிரமாணம் செய்துவைத்தாா்.

நீதிபதிகளின் குடும்பத்தினா், உச்சநீதிமன்ற-உயா்நீதிமன்ற வழக்குரைஞா்கள் உள்ளிட்டோா் பங்கேற்றனா்.

நீதிபதி சுனிதா அகா்வால் பதவியேற்பின் மூலம் உச்சநீதிமன்ற பெண் நீதிபதிகளின் எண்ணிக்கை 3-ஆக உயா்ந்துள்ளது. இவா்களில் பி.வி.நாகரத்னா, கடந்த 2021 முதல் உச்சநீதிமன்றத்தில் பணியாற்றி வருகிறாா்.

நீதிபதி வி.மோகனா, கடந்த ஜூன் மாதம் பதவியேற்றாா். இவா், உச்சநீதிமன்ற மூத்த வழக்குரைஞராக இருந்து அந்த நீதிமன்ற நீதிபதியாக நியமிக்கப்பட்டவா் ஆவாா்.

பணிமூப்பு அடிப்படையில் அடுத்த ஆண்டு செப்டம்பரில் தலைமை நீதிபதியாக பி.வி.நாகரத்னா பதவியேற்பாா். இதன் மூலம் நாட்டின் முதல் பெண் தலைமை நீதிபதி என்ற பெருமை அவருக்கு கிடைக்கும்.

புதிய நீதிபதிகளில் சுனிதா அகா்வால், உபாத்யாய் ஆகியோா் அலாகாபாத் உயா்நீதிமன்றத்தையும், அபரேஷ் குமாா் சிங் ஜாா்க்கண்ட் உயா்நீதிமன்றத்தையும் சோ்ந்தவா்கள்.

உச்சநீதிமன்ற நீதிபதியாவதற்கு முன்பாக இவா்கள் முறையே குஜராத், தில்லி, தெலங்கானா உயா்நீதிமன்ற தலைமை நீதிபதிகளாக இருந்தனா். பெண் நீதிபதி சுனிதா அகா்வால், 21 ஆண்டுகால வழக்குரைஞா் பணிக்குப் பிறகு கடந்த 2011-இல் அலாகாபாத் உயா்நீதிமன்ற கூடுதல் நீதிபதியாக நியமிக்கப்பட்டு, பின்னா் 2013-இல் நிரந்தர நீதிபதியானாா்.

அண்மையில் நிறைவேற்றப்பட்ட சட்டத் திருத்தத்தின் மூலம் உச்சநீதிமன்றத்தில் அனுமதிக்கப்பட்ட நீதிபதி இடங்களின் எண்ணிக்கை 34-இல் இருந்து 38-ஆக உயா்த்தப்பட்டது.