விருதுநகரில் இலவச தனியார் வேலைவாய்ப்பு முகாம் 

விருதுநகர் மாவட்ட வேலைவாய்ப்பு அலுவலகம் மற்றும் பிரபல  தனியார் நிறுவனங்கள் பங்கேற்கும் தனியார் வேலைவாய்ப்பு முகாம் வருகிற 27-ம் தேதி நடைபெற இருக்கிறது.

இது குறித்து மாவட்ட ஆட்சியர் டி.என்.ஹரிஹரன் வெளியிட்டுள்ள செய்திக் குறிப்பு: விருதுநகர் சுப்பையா நாடார் அரசு மேல்நிலைப்பள்ளியில் குறிப்பிட்ட நாளில் நடைபெறும் இந்த முகாமில் 10-க்கும் மேற்பட்ட பிரபல நிறுவனங்கள் பங்கேற்று பணியாளர்களை தேர்வு செய்யவுள்ளனர்.

இதில், இந்த மாவட்டத்தைச் சேர்ந்த 8-வது, 10,12 மற்றும் பட்டம், பட்டயம், தொழிற் பயிற்சி ஆகியவைகளில் தேர்ச்சி பெற்ற அனைவரும் முகாமில் கலந்து கொண்டு பயனடையலாம். இதில், பங்கேற்பவர்களின் வேலைவாய்ப்பு அலுவலக பதிவு மூப்பு எந்த வகையிலும் பாதிக்காது.

இந்த முகாம் காலை 10 மணிக்கு தொடங்கி, தொடர்ந்து மாலை 5 மணி வரையில் நடைபெற இருக்கிறது. அதனால், சுற்றுக்கிராம பகுதிகளைச் சேர்ந்த இளைஞர்கள் மற்றும் பெண்கள் உள்ளிட்டோர் பங்கேற்று பயனடைய வேண்டும் என மாவட்ட ஆட்சியர் டி.என்.ஹரிஹரன் கேட்டுக் கொண்டுள்ளார்.