திருட்டு வீடியோ பதிவிறக்கம் செய்து கொடுத்த 4 பேர் கைது

ஆம்பூர் பகுதியில் திருட்டு வீடியோ பதிவிறக்கம் செய்து கொடுத்த 4 பேரை போலீஸார் வெள்ளிக்கிழமை கைது செய்தனர்.

ஆம்பூர் பகுதியில் திருட்டுத் தனமாக திரைப்பட வீடியோ பாடல்களை பதிவிறக்கம் செய்து கொடுப்பதாக வேலூர் திருட்டு வீடியோ தடுப்பு பிரிவு போலீஸாருக்கு புகார் சென்றுள்ளது.  அதனடிப்படையில் அந்த பிரிவின் இன்ஸ்பெக்டர் கோவிந்தராஜன் தலைமையிலான போலீஸார் ஆம்பூர் பகுதியில் பல்வேறு இடங்களில் சோதனை மேற்கொண்டனர்.  அப்போது பல இடங்களில் திருட்டு வீடியோ திரைப்பட பாடல்களை பதிவிறக்கம் செய்து கொடுத்த ஆம்பூர் பகுதியை சேர்ந்த தியாகு, தட்சணாமூர்த்தி, அக்ரம், சுபாஷ் ஆகிய 4 பேரை கைது செய்து அவர்களிடமிருந்து கணினியையும் பறிமுதல் செய்துள்ளனர்.