பட்ஜெட்: தமிழக முதல்வருக்கு மக்கள் சக்தி இயக்கம் பாராட்டு!

தமிழக பட்ஜெட்டில் நதிகள் இணைப்பிற்கு நிதி ஒதுக்கீடு செய்த  முதல்வர் ஜெயலலிதாவிற்கு மக்கள் சக்தி இயக்கம் பாராட்டும், நன்றியும் தெரிவித்துள்ளது.

இதுகுறித்து மக்கள் சக்தி இயக்க மாநிலத் தலைவர் முனைவர் ஏ.சண்முகம் தெரிவித்தது: தமிழக ஆளுநர் கடந்த பிப்.1-ம் தேதி சட்டப்பேரவையில் ஆற்றிய உரையின் போது தமிழகஅரசு, தமிழக நதிகளை இணைக்கும் திட்டத்திற்கு அதிக முக்கியத்துவம் கொடுத்து, தமிழகஅரசு நிதியிலேயே அமல்படுத்தும் என தெரிவித்தார். அதோடுவிட்டுவிடாமல், அதற்கு முக்கியத்துவம் கொடுக்கும் வகையில் தமிழகஅரசு 2014-15 பட்ஜெட்டில் நதிகள் இணைப்பிற்காக ரூ 119.98 கோடி நிதியை ஒதுக்கியுள்ளதற்கும், பல்கலைக்கழகங்களுக்கென மானியமாக ரூ 979.32 கோடி நிதி ஒதுக்கீடு செய்ததற்கும் தமிழக முதல்வருக்கு நன்றியையும், பாராட்டையும் தெரிவித்துக் கொள்கிறோம் என முனைவர் ஏ.சண்முகம் தெரிவித்தார்.