அமெரிக்கா, இஸ்ரேல் - ஈரான் போர்: சர்வதேச அளவில் பாதுகாப்புக்கு அச்சுறுத்தல் - பிரான்ஸ் அதிபர்!தமிழ்நாட்டில் 17 ஐபிஎஸ் அதிகாரிகள் இடமாற்றம்மத்திய கிழக்கில் உள்ள இந்தியர்களைப் பாதுகாக்க உடனடி நடவடிக்கை: அரசுக்கு ராகுல் காந்தி வலியுறுத்தல்ஆந்திரம்: பட்டாசு ஆலை விபத்தில் பலி எண்ணிக்கை 18-ஆக உயர்வுபஹ்ரைன் நாட்டிலுள்ள தமிழர்கள் பாதுகாப்பாக உள்ளதாக தகவல்மத்திய கிழக்கு நாடுகளுக்கு விமான சேவை நிறுத்தம்!சரணடையுங்கள் அல்லது மரணத்தை எதிர்கொள்ளுங்கள்: ஈரானுக்கு டிரம்ப் எச்சரிக்கைகாங்கிரஸுக்கு ஒரு மாநிலங்களவை சீட் தருவதாக முதல்வர் உறுதி! செல்வப்பெருந்தகை தகவல்ஈரான் மீது இஸ்ரேல் திடீர் தாக்குதல்! கமேனியின் நிலை என்ன?அண்ணா அறிவாலயத்தில் திமுக கூட்டணி கட்சிகள்! தொகுதிப்பங்கீடு பேச்சுவார்த்தை தீவிரம்!!
/

பள்ளி மேலாண்மைக் குழு உறுப்பினர்களுக்கு மூன்று நாள் பயிற்சி

அனைவருக்கும் கல்வி இயக்கம் சார்பில், பள்ளி மேலாண்மைக் குழு உறுப்பினர்களுக்கான முதற்கட்ட மூன்று நாள் பயிற்சி வியாழக்கிழமை நிறைவு பெற்றது.

News image
Updated On :5 ஜனவரி 2024, 4:31 am

ஜெயகுமார்

அனைவருக்கும் கல்வி இயக்கம் சார்பில், பள்ளி மேலாண்மைக் குழு உறுப்பினர்களுக்கான முதற்கட்ட மூன்று நாள் பயிற்சி வியாழக்கிழமை நிறைவு பெற்றது.

நரையன்குளம்-ஒத்தப்பட்டி குறுவளமையத்தில் நடைபெற்ற பயிற்சியை வியாழக்கிழமை உதவித் தொடக்கக் கல்வி அலுவலர் சி.பாலமுருகன் பார்வையிட்டு உரையாற்றினார். அப்போது அவர் கூறியதாவது:

மனிதன் சமுதாயத்தில் சிறந்து விளங்க அறிவு தேவையாகிறது. இரண்டாவது இடத்தைச் சீர்தூக்கி, நேர்நிறுத்தி அதன் பெருமை குன்றாவது தொடக்க மற்றும் உயர் தொடக்கப் பள்ளி நிலைகளில் குடத்திலிட்ட விளக்காய் இருந்த மாணவர்களின் கற்றல் நிலையைக் குன்றிலிட்ட தீபமாய் ஒளிரச் செய்ததில் முழுமையான அர்ப்பணிப்பும், பங்கும் அனைவருக்கும் கல்வி இயக்கத்திற்கு உண்டு.

அனைத்துப் பள்ளிகளையும் வளர்ச்சி பெற்ற பள்ளிகளாக மாற்றுவதைக் குறிக்கோளாகக் கொண்டு அனைவருக்கும் கல்வி இயக்கம் செயல்பட்டு வருகிறது. இந்தப் பணியில் முக்கியப் பங்கு வகிப்பவை கிராம கல்விக் குழு மற்றும் பள்ளி மேலாண்மைக் குழுக்களாகும்.

பள்ளி மேலாண்மைக் குழுவின் பள்ளி சார்ந்த பொறுப்புகள் மற்றும் பள்ளியின் முன்னேற்றத்தில், அவர்களுக்குரிய ஈடுபாட்டை மேலும் மெருகூட்டும் வகையில் அவர்களுக்கு தற்போது பயிற்சி அளிக்கப்பட்டுள்ளது. இந்தப் பயிற்சி அனைத்துக் குழந்தைகளும் கல்வி மற்றும் வாழ்வியல் தொடர்பான செயல்பாடுகளில் ஒருங்கிணைந்த முன்னேற்றத்தை எட்டவும், அனைத்து பள்ளி வயது குழந்தைகளையும் பள்ளியில் சேர்க்கவும், பள்ளியில் சேர்க்கப்பட்ட அவர்கள் அனைவரும் இடைநிற்றல் இன்றி எட்டாம் வகுப்பு முடிய கல்வி பெற வழிவகுக்கும் என்றார் அவர்.

ஆசிரியப் பயிற்றுநர்கள் குருசாமி மற்றும் முருகுதிருநாவுக்கரசு ஆகியோர் உறுப்பினர்களுக்கு மூன்று நாள் பயிற்சியை அளித்தனர். பயிற்சியில் 100-க்கும் மேற்பட்ட உறுப்பினர்கள் கலந்து கொண்டனர்.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.