கட்டண சலுகை: முதல்வருக்கு அண்ணாமலைப் பல்கலைக்கழக ஆசிரியர் - ஊழியர் கூட்டமைப்பு நன்றி

அண்ணாமலைப் பல்கலைக்கழகத்தில் முதல் தலைமுறை மாணவர்களுக்கு கட்டணச் சலுகையை வழங்கி அறிவிப்பு வெளியிட்டுள்ள தமிழக முதல்வருக்கு பல்கலைக்கழக ஆசிரியர்- ஊழியர் கூட்டமைப்பு நன்றி தெரிவித்துள்ளது.

இதுகுறித்து கூட்டமைப்பு நிர்வாகிகள் பேராசிரியர் உதயசந்திரன், ஊழியர் சங்கத் தலைவர் சி.மதியழகன் ஆகியோர் கூட்டாக வெளியிட்டுள்ள அறிக்கை: பல்கலைக்கழக நிதிசிக்கலை அறிந்தும், மாணவர்கள் நலன் கருதி, மற்ற அரசு பல்கலைக்கழகங்களில் பின்பற்றுவது போல், இந்த பல்கலைக்கழகத்திலும், பொருளாதாரத்தில் பின்தங்கிய குடும்பங்களிலிருந்து பயிலும் முதல் தலைமுறை பட்டதாரி மாணவ மாணவியருக்கு கல்வி கட்டணச் சலுகையை வழங்க உத்தரவிட்டும், அதற்கா ரூ 1 கோடியே 66 லட்சம் நிதி ஒதுக்கீடு செய்துள்ள் தமிழக முதல்வருக்கு நன்றி தெரிவித்துக் கொள்கிறோம் என அறிக்கையில் தெரிவித்துள்ளனர்.