பழநி வைகாசி விசாகம்.ஜூன் 5ல் கொடியேற்றம்

பழநியில் தைப்பூசம், பங்குனி உத்திரவிழாவை தொடர்ந்து, முக்கிய நிகழ்ச்சியான ‘வைகாசி விசாகத் திருவிழா’ ஜூன் 5 முதல் 14 வரை, நடக்கிறது.

 பழநி வைகாசிவிசாகத் திருவிழா பெரியநாயகியம்மன் கோயிலில் ஜூன் 5ல், காலை 8.30 மணிக்குமேல் 9.30 மணிக்குள் கொடியேற்றத்துடன், துவங்கி தொடர்ந்து பத்துநாட்கள் நடக்கிறது. விழாவின், ஆறாம் நாளான ஜூன் 10ல், மாலை 6.30 மணிக்கு மேல் 8 மணிக்குகள், முத்துக்குமாரசுவாமி வள்ளி தெய்வானை திருக்கல்யாணம் நடைபெறுகிறது.

விழா நாட்களில் சுவாமி தங்க மயில், வெள்ளி காமதேனு, தங்ககுதிரை உள்ளிட்ட பல்வேறு வாகனங்களில் எழுந்தருளி பக்தர்களுக்கு அருள்பாலிக்கின்றார் விழாவின் முக்கிய நிகழ்ச்சியாக, ஏழாம்நாள் ஜூன் 11ல், வைகாசி விசாகத்தன்று, மலைக்கோயில் சன்னதி அதிகாலை 4 மணி திறக்கப்படும். பெரியநாயகியம்மன் கோயில் தேர்நிலையிருந்து மாலை 4.30 மணிக்கு புறப்பாடாகி, நான்கு ரத வீதிகளில் தேரோட்டம் நடக்கிறது. ஏற்பாடுகளை கோயில் இணைஆணையர்(பொ) ராஜமாணிக்கம், உதவிஆணையர் மேனகா மற்றும் அதிகாரிகள், அலுவலர்கள் செய்து வருகின்றனர்.