பஞ்சாப் முன்னாள் முதல்வர் பிரகாஷ் சிங் பாதல் - பா.ஜ.க தலைவர் அமித் ஷா சந்திப்பு

பஞ்சாப்:  2019 பாராளுமன்ற தேர்தலில் மீண்டும் ஆட்சியை பிடிக்கும் முனைப்பில், பா.ஜ.க தலைவர் அமித் ஷா இன்று பஞ்சாப் முன்னாள் முதல்வர் பிரகாஷ் சிங் பாதலை சந்தித்து பேசினார். படிப்படியாக பா.ஜ.க.வின் செல்வாக்கு சரிந்துகொண்டு இருப்பது அக்கட்சியின் தலைமைக்கு அச்சத்தை ஏற்படுத்தியுள்ளது. 

எனவே, எதிர்வரும் 2019 பாராளுமன்ற தேர்தலில் மீண்டும் ஆட்சியை பிடிக்கும் முனைப்பில் தீவிரமாக இருக்கும் பா.ஜ.க கூட்டணியை முறித்துக் கொண்ட கட்சிகளையும், இதர பிற கட்சிகளையும் சந்தித்து கூட்டணி குறித்து ஆலோசனை செய்து வருகிறது. 

இந்நிலையில் இன்று சண்டிகரில் பஞ்சாப் மாநில முன்னாள் முதல்வரும், சிரோமணி அகாலி தளம் கட்சியின் தலைவருமான பிரகாஷ் சிங் பாதலை நேரில் சந்தித்து அமித் ஷா பேச்சுவார்த்தை நடத்தியுள்ளார்.