நாகர்கோவில் முன்னாள் எம்.எல்.ஏ. முருகேசன் கைது

நாகா்கோவிலைச் சோ்ந்த 15 வயது சிறுமிக்கு பாலியல் தொல்லை கொடுத்ததாக போக்சோ பிரிவின் கீழ் வழக்குப் பதிவு செய்யப்பட்ட அதிமுக முன்னாள் எம்எல்ஏ நாஞ்சில் முருகேசனைக் காவல்துறையினர் கைது செய்துள்ளனர்.

கோட்டாறு பகுதியைச் சோ்ந்த 15 வயது சிறுமி ஒருவா், மாவட்ட குழந்தைகள் நல பாதுகாப்புக் குழு அதிகாரிகள் நடத்திய விசாரணையில் கடந்த 2017-ஆம் ஆண்டு நாகா்கோவில் புத்தேரியில் உள்ள முன்னாள் எம்எல்ஏ நாஞ்சில் முருகேசன் உள்பட 4 போ் தனக்கு பாலியல் தொல்லை கொடுத்ததாக வாக்குமூலம் அளித்திருக்கிறார்.

இதைத் தொடர்ந்து, பதிவு செய்யப்பட்ட புகாரின் அடிப்படையில் முருகேசனைக் காவல்துறையினர் கைது செய்துள்ளனர்.

நாகா்கோவில் கோட்டாறு பகுதியைச் சோ்ந்த 10-ஆம் வகுப்பு பயிலும் 15 வயது சிறுமி ஒருவா், கடந்த சில நாள்களுக்கு முன்னா் தனது காதலனுடன் வீட்டைவிட்டு வெளியேறியுள்ளாா். இதுதொடா்பாக அவரது பெற்றோா் கோட்டாறு காவல் நிலையத்தில் புகாா் அளித்தனா். காவல்துறையினர் அச்சிறுமியை மீட்டு விசாரணை நடத்தியபோது, கடந்த சில ஆண்டுகளுக்கு முன்பு பாலியல் தொல்லைக்கு ஆளானதாக அதிா்ச்சித் தகவலை வெளியிட்டாா்.

இதைத் தொடா்ந்து, அச்சிறுமியிடம் மாவட்ட குழந்தைகள் நல பாதுகாப்புக் குழு அதிகாரிகள் விசாரணை மேற்கொண்டனா். அப்போது, அந்தச் சிறுமி கடந்த 2017-ஆம் ஆண்டு நாகா்கோவில் புத்தேரியில் உள்ள முன்னாள் எம்எல்ஏ நாஞ்சில் முருகேசன் உள்பட 4 போ் தனக்கு பாலியல் தொல்லை கொடுத்ததாக வாக்குமூலம் அளித்தாராம்.

இதுகுறித்து குமரி மாவட்ட காவல் துறை வெளியிட்டுள்ள செய்திக்குறிப்பு: குமரி மாவட்ட குழந்தைகள் நல பாதுகாப்பு அலுவலா், நாகா்கோவில் அனைத்து மகளிா் காவல் நிலையத்தில் புகாா் அளித்திருந்தாா். அதில், பள்ளி மாணவியான 15 வயது சிறுமியை, அவரது தாய் பணத்துக்காக 2 ஆண்டுகளுக்கும் மேலாக பாலியல் கொடுமைக்கு ஆளாக்கியுள்ளது தெரியவந்துள்ளது.

இதுதொடா்பாக, சிறுமியின் தாய், நாகா்கோவில் புத்தேரி பகுதியைச் சோ்ந்த நாஞ்சில் முருகேசன் (60), இடலாக்குடி பால் (66), அசோக்குமாா் (43), கோட்டாறு காா்த்திக் (28) ஆகிய 5 போ் மீது அனைத்து மகளிா் காவல் நிலையத்தில் போக்சோ சட்டப் பிரிவின் ன் கீழ் வழக்குப் பதிவு செய்யப்பட்டுள்ளது. இதைத் தொடா்ந்து, மாவட்ட குற்றப் பிரிவு துணைக் கண்காணிப்பாளா் கணேசன் தலைமையில் 5 தனிப்படைகள் அமைக்கப்பட்டு தாய் உள்பட 4 போ் கைது செய்யப்பட்டனா். தலைமறைவாக இருந்த நாஞ்சில் முருகேசன் இன்று கைது செய்யப்பட்டார்.

அதிமுகவின் அடிப்படை உறுப்பினா் உள்ளிட்ட அனைத்து பொறுப்புகளில் இருந்தும் நாஞ்சில் முருகேசன் திங்கள்கிழமை நீக்கப்பட்டது குறிப்பிடத்தக்கது.