ரஷ்யா: ஒரே நாளில் 10,633 பேருக்கு கரோனா தொற்று உறுதி

மாஸ்கோ: ரஷ்யாவில் கடந்த 24 மணி நேரத்தில் 10,633 பேருக்கு தொற்று உறுதி செய்துள்ளதை அடுத்து, அதன் மொத்த தொற்று பாதித்தவர்களின் எண்ணிக்கை 1,34,687 -ஆக உயர்ந்துள்ளதாக சுகாதார அதிகாரிகள் தெரிவித்தனர்.

நாட்டின் மிக மோசமான பாதிப்புக்குள்ளான மாஸ்கோவில், கடந்த 24 மணி நேரத்தில் புதிதாக 5,948 பேருக்கு பாதிப்பு உறுதி செய்ததை அடுத்து, மொத்த பாதிப்பு எண்ணிக்கையை 68,606 -ஆக உயர்ந்துள்ளது. தொற்று பாதிப்பால் ஞாயிற்றுக்கிழமை 58 பேர் பலியானதை அடுத்து பலியானவர்களின் எண்ணிக்கை 1,280 ஆக அதிகரித்துள்ளது, அதே நேரத்தில் 16,639 பேர் குணமடைந்து வீடு திரும்பியுள்ளனர்.

மாஸ்கோவின் மொத்த குடியிருப்பாளர்களில் சுமார் 2 சதவீதம் பேர் - ஜனவரி மாதத்தில் 12.68 மில்லியன் பேர் கரோனா தொற்றால் பாதிக்கப்பட்டிருக்கலாம் என்று கூறப்பட்டுள்ளது. 

நாட்டில் தொற்றுநோய் பாதிப்பு சீராகிவிட்டதாக கருதி பாதுகாப்பு விதிகளை தளர்த்துவதற்கு எந்த முகாந்திரமும் இல்லை என்று சுகாதார அமைச்சகம் சனிக்கிழமை வெளியிட்ட அறிக்கையில் தெரிவித்துள்ளது.