பணம் கொட்டோ கொட்டென்று கொட்ட வேண்டுமா? பீரோவை இந்த திசைக்கு மாற்றுங்கள்!

கிழக்கில் பீரோ இருந்தால், பணம் பல வழிகளில் வந்தாலும், நோய்க்குச் செலவு செய்வதில் பெரும்பகுதியை  இழக்க வேண்டியதிருக்குமாம்.  குழந்தைகளின் தவறான செயல்களினால் பெரும் தொகையுமாக வீண் செலவுகளை ஏற்படுத்தும். வீட்டில் பல பிரச்னைகள் ஏற்படும்.

வடமேற்கில் பீரோ, பணப்பெட்டி  இருந்தால், பணம் வருவதும், போவதுமாக இருப்பதுடன், சேமிக்க முடியாததுடன் கடன்காரனாக வைக்குமாம்.

மேற்குப் பார்த்த வீட்டுக்குக் கிழக்குச் சுவர் சார்ந்து, மேற்குப் பார்த்து பீரோ இருக்குமேயானால், ஆண்கள் தேவையற்ற வீண்செலவுகளைச் செய்வார்கள். ஆண்களுக்கு நோய்க்கான செலவுகள் அதிகரிக்கும்.

தென்கிழக்கில் பணப்பெட்டி இருந்தால், விரயச் செலவுகளையும், கொடுத்த பணம் திரும்பக் கிடைக்காத நிலை ஏற்படலாம்.

தெற்குப் பார்த்த வீட்டின் வடக்குச் சுவர் ஓரமாக, தெற்குப் பார்த்து பீரோ வைத்திருப்பவர்கள் வீட்டில், பெண்களுக்கு வைத்திய செலவை அதிகப்படுத்தும்.

கிழக்குப் பார்த்து பீரோவை வைத்தால், மகிழ்ச்சியான செலவுகளைத் தந்து, நிம்மதியையும் லாபத்தையும் தரும். கண்டிப்பாக செல்வம் சேர்ந்து கொண்டே இருக்கும். மங்கள காரியங்கள் மனையில் நிகழ்ந்த வண்ணம் இருக்கும்.

வீட்டின், தென்மேற்குச் சார்ந்த மூலை (நைருதி மூலை - குபேர மூலை என்று சொல்லப்படும்)யில் பீரோவை வைத்தால், பணம் கண்டிப்பாக எப்போதும் இருந்து கொண்டே இருப்பதுடன், பல தேவைகளைச் சிந்தித்து அதற்கேற்ப செலவுகளைச் செய்ய வைக்குமாம்.