பெண் கெட்டப்பில் நடிகர் கவின்!

கவின் நடிப்பில் ஸ்டார் திரைப்படத்தின் இடம்பெற்றுள்ள “மெலடி” என்கிற பாடலை படக்குழு வெளியிட்டுள்ளது.

இளன் இயக்கத்தில் கவின் நடித்துள்ள படம் 'ஸ்டார்'. இதில் கவினுடன் லால், கீதா கைலாசம், ப்ரீத்தி முகுந்தன் உள்ளிட்டோர் நடித்துள்ளனர். படத்திற்கு யுவன் ஷங்கர் ராஜா இசையமைத்துள்ளார். படம் வரும் மே 10ம் தேதி திரையரங்குகளில் வெளியாக உள்ளது.

ஏற்கெனவே படத்தின் 'வின்டேஜ் லவ்...' பாடல் சில தினங்களுக்கு முன்னர் வெளியாகி நல்ல வரவேற்பை பெற்றது. தொடர்ந்து படத்தின் அடுத்த பாடலான 'மெலடி' என்கிற பாடல் இன்று வெளியாகும் என படக்குழு அறிவித்திருந்தது. அதன்படி 'மெலடி' என்கிற பாடலை படக்குழு இன்று வெளியிட்டுள்ளது.

இந்த பாடலில் மிகவும் வித்தியாசமாக நடிகர் கவின் பெண் கெட்டப்பில் நடனமாடியுள்ளார். கவின் நடிப்பில் கடைசியாக வெளியான 'டாடா' திரைப்படம் நல்ல ஒரு வரவேற்பை பெற்ற நிலையில் அவரின் அடுத்த படமான 'ஸ்டார்' படத்திற்கு ரசிகர்கள் மத்தியில் எதிர்பார்ப்பு எழுந்துள்ளது.