காளிதாஸ் - 2 புதிய வெளியீட்டுத் தேதி!

நடிகர் பரத் நடிப்பில் உருவான காளிதாஸ் - 2 திரைப்படத்தின் புதிய வெளியீட்டுத் தேதி அறிவிக்கப்பட்டுள்ளது.

நடிகர் பரத் காளிதாஸ் திரைப்படத்தின் இரண்டாம் பாகத்தில் நடித்து முடித்துள்ளார். ஸ்ரீ செந்தில் இயக்கத்தில் உருவான இப்பாகத்திலும் கொலை வழக்கை விசாரிக்கும் காவல்துறை அதிகாரியாக பரத் நடிக்க, முக்கிய கதாபாத்திரங்கள் அஜய் கார்த்திக், பவானி ஸ்ரீ உள்ளிட்டோர் நடித்துள்ளனர்.

சாம் சிஎஸ் இசையமைப்பில் உருவான இப்படத்தின் பாடல்களும் டிரைலரும் நாளை (மார்ச் 20) மாலை 6 மணிக்கு வெளியாகவுள்ளது.

இந்த நிலையில், இப்படத்தை வருகிற ஏப். 10 ஆம் தேதி வெளியிட உள்ளதாகத் தயாரிப்பு நிறுவனம் அறிவித்துள்ளது.

முன்னதாக, ஏப். 3 ஆம் தேதி வெளியாகும் என அறிவிக்கப்பட்டிருந்தது குறிப்பிடத்தக்கது.