யோகி பாபு - வாணி போஜனின் 'சட்னி சாம்பார்' வெப் தொடர்!

நடிகர் யோகி பாபு மற்றும் வானி போஜன் நடிக்கும் புதிய வெப் தொடர் 'சட்னி சாம்பார்'. இந்த வெப் தொடரின் டீசர் தற்போது வெளியாகியுள்ளது.

பல திரைப்படங்களில் பிரதான பாத்திரங்களில் நடித்துவரும் நடிகர் யோகி பாபு, இயக்குநர் ராதா மோகன் இயக்கும் புதிய வெப் தொடரில் நடிக்கிறார். இந்த வெப் தொடருக்கு 'சட்னி சாம்பார்' எனப் பெயரிடப்பட்டுள்ளது.

இதில் வாணி போஜன் முக்கிய வேடத்தில் நடிக்கிறார். மேலும், தீபா சங்கர், காயத்ரி ஷான், நிழல்கள் ரவி, ஆர். சுந்தர்ராஜன் ஆகியோரும் நடிக்கின்றனர்.

இந்த தொடர் குடும்பத்தோடு சேர்ந்து பார்க்கும் பொழுதுபோக்கு அம்சங்கள் நிறைந்த நகைச்சுவைத் தொடராக எடுக்கப்பட்டுள்ளது. இரண்டு உணவகங்களுக்கு இடையே நடக்கும் போட்டியே இந்த தொடரின் மையக்கரு.

'சட்னி சாம்பார்' வெப் தொடரின் டீசர் வெளியாகி இணையத்தில் வைரலாகி வருகிறது. இத்தொடர் டிஸ்னி பிளஸ் ஹாட்ஸ்டாரில் விரைவில் ஒளிபரப்பாகவுள்ளது.