சேலம் அருகே தனியார் பேருந்து கவிழ்ந்து தீப்பற்றி எரிந்தது

சேலம்: சேலம் அருகே இருசக்கர வாகனத்தின் மீது மோதி சாலை கவிழ்ந்த தனியார் ஆம்னி பேருந்து திடீரென தீப்பற்றி எரிந்துது. இருசக்கர வாகனத்தின் மீது மோதியதில் ஒருவர் பலியானார்.

சேலம் சங்ககிரி பகுதியில் கோவை-சேலம் தேசிய நெடுஞ்சாலையில் தனியார் ஆம்னி பேருந்து இரு சக்கர வாகனத்தின் மீது மோதி தலைக்குப்புற கவிழ்ந்து விபத்துக்குள்ளானது.

இதையும் படிக்க : தமிழகத்தில் வீணாகிய 6 எம்பிபிஎஸ், 28 பிடிஎஸ் இடங்கள்

பேருந்து கவிழ்ந்தவுடன் தீப்பற்றி எரிந்தது. நல்வாய்ப்பாக பேருந்தில் இருந்த 20-க்கும் மேற்பட்ட பயணிகளும் லேசான காயங்களுடன் பத்திரமாக மீட்கப்பட்டனர்.

இருசக்கர வாகனத்தில் வந்தவர் மோதிய நபர் சம்பவ இடத்திலேயே பலியானார்.

தகவல் அறிந்து சம்பவ இடத்திற்கு வந்த சங்ககிரி போலீசார் விபத்து குறித்து விசாரணை மேற்கொண்டு வருகின்றனர்.

இந்த சம்பவத்தால் அந்த பகுதியில் பெரும் பரபரப்பு நிலவியது.