ஹரியாணாவில் வினேஷ் போகத் பின்னடைவு!

ஹரியாணா சட்டப்பேரவைத் தேர்தலில் பதிவான வாக்குகள் எண்ணும் பணி, இன்று காலை தொடங்கி நடைபெற்று வரும் நிலையில், நட்சத்திர வேட்பாளர் வினேஷ் போகத் பின்னடைவை சந்தித்துள்ளார்.

பெரும் எதிர்பார்ப்பை ஏற்படுத்தியுள்ள இந்தத் தேர்தலின் முடிவுகள், தபால் வாக்குகள் முதலில் எண்ணப்பட்டது. அதில் காங்கிரஸ் சாா்பில் போட்டியிட்ட மல்யுத்த வீராங்கனை வினேஷ் போகத் தொடக்கம் முதல் முன்னிலை பெற்றுவந்தார்.

தற்போதைய நிலவரப்படி காங்கிரஸ் வேட்பாளர் வினேஷ் போகத் பின்னடைவை சந்தித்துள்ளார். இவருக்கு எதிராக போட்டியிட்ட பாஜக வேட்பாளர் யோகேஷ் குமார் முன்னிலையில் உள்ளார்.

இதையும் படிக்க: மெகபூபா முப்தியின் மகள் பின்னடைவு!

ஹரியாணா மாநிலத்தில் வாக்குப் பதிவு நடைபெற்ற மொத்தம் உள்ள 90 இடங்களில் பாஜக 49 இடங்களிலும், காங்கிரஸ் 35 தொகுதிகளிலும், இதர கட்சிகள் 6 இடங்களிலும் முன்னிலையில் உள்ளதாக இந்திய தேர்தல் ஆணையத்தின் அதிகாரப்பூர்வ இணையதளத்தில் தெரிவிக்கப்பட்டுள்ளது.