தங்கம் விலை பவுனுக்கு எவ்வளவு குறைந்தது தெரியுமா?

சென்னையில் ஆபரணத் தங்கத்தின் விலை வெள்ளிக்கிழமை பவுனுக்கு ரூ. 360 குறைந்து ரூ. 64,200-க்கு விற்பனையாகிறது.

சர்வதேச சந்தைக்கேற்ப இந்தியாவில் தங்கத்தின் விலை ஏற்ற, இறக்கத்துடன் விற்பனையான நிலையில், கடந்த சில நாள்களாக சென்னையில் ஆபரணத் தங்கத்தின் விலை தொடா்ந்து உயா்ந்து வந்த நிலையில், அதிரடியாக வியாழக்கிழமை பவுனுக்கு ரூ.280 உயர்ந்து ரூ.64,560-க்கும் விற்பனையாகி புதிய உச்சத்தை தொட்டது. மூன்று நாள்களில் பவுனுக்கு ரூ.1,040 உயர்ந்தது.

இந்த நிலையில், வெள்ளிக்கிழமை அதிரடியாக பவுனுக்கு ரூ.360 குறைந்துள்ளது. ஆபரணத் தங்கத்தின் விலை கிராமுக்கு ரூ. 45 குறைந்து ரூ. 8,025-க்கும், பவுனுக்கு ரூ. 360 குறைந்து ரூ. 64,200-க்கும் விற்பனையாகிறது.

அதேவேளையில் வெள்ளி நேற்றைய விலையில் மாற்றமின்றி ஒரு கிராம் ரூ.109-க்கும், ஒரு கிலோ கட்டி வெள்ளி ரூ.1,09,000-க்கும் விற்பனையாகிறது.