2018 ஆம் ஆண்டில் ஃபேஷன் உலகில் வைரல் ட்ரெண்டான 10 ஐட்டங்கள் என்னென்ன?

2018 ஆம் ஆண்டு ஃபேஷன் ட்ரெண்டிங்கில் முதலிடம் பிடித்திருப்பது லாவெண்டர் வண்ணம்.

இந்த ஆண்டு துவக்கம் முதல் இதுவரையிலும் உலகம் முழுவதும் வெளிவந்துள்ள புத்தம் புது ஆடை ரகங்கள், அலங்காரப் பொருட்கள், ஒப்பனைப் பொருட்கள், பத்திரிகைகளின் முகப்புப் பக்கங்கள், விளம்பரப் பதாகைகள், சின்னத்திரை, பெரிய திரைகளில் அதிகமும் பரந்து விரிந்து காணக் கிடைத்த வண்ணமென்றால் அது லாவெண்டர் தான். மற்ற நிறங்களும் அதிகமாக இருந்த போதும் எங்கும் நீக்கமறப் பரவி கண்களை நிறைத்தது இந்தக் குளு குளு லாவெண்டர் வண்ணமே!

ட்ரெண்டிங்கில் இரண்டாம் இடம் பிடித்திருப்பது செக்டு லாங் ஓவர் கோட்.

அதாவது கட்டம் போட்ட ஓவர் கோட். பார்க்க ஸ்டைலிஷாகவும், மிடி, சுரிதார், ஸ்கர்ட், மினி ஸ்கர்ட், ஃபார்மல் பேண்ட் என எந்த உடையுடனும் மேட்ச் செய்து அணியத்தக்கதாகவும் இருப்பதால் இளம்பெண்கள் இந்த ஓவர்கோட்டை அதிகமும் விரும்பி அணிந்து டாப் டென் ட்ரெண்டிங் லிஸ்டில் நீடிக்க வைத்திருக்கிறார்கள். இளம்பெண்கள் மட்டுமல்ல இளைஞர்கள் மற்றும் நிகழ்ச்சித்தொகுப்பாளர்கள், பிரபல தொழிலதிபர்கள், வீடியோ ஜாக்கிகள், என அனைவருமே விரும்பி அணியக்கூடிய ஸ்டைலிஷான ஃபேஷனாக செக்டு ஓவர் கோட் மாறியுள்ளது.

மூன்றாவதாக ட்ரெண்டிங்கில் இருப்பது வண்ண வண்ண ப்ளேஸர்கள்...

இப்போதெல்லாம் தொழில் நிமித்தமாக வியாபார சந்திப்புகளில் கலந்து கொள்பவர்கள் மட்டுமல்ல பள்ளி, கல்லூரி ஆண்டுவிழாக்களில் நிகழ்ச்சியை தொகுத்து வழங்குபவர்கள் கூட தங்களது உடைகளுக்குப் பொருத்தமாக வண்ண வண்ண பிளேஸர்கள் அணிந்து வந்து அசத்துகிறார்கள். பிளேஸர்கள் அவற்றை அணிபவர்களுக்கு ஒரு கம்பீரமான தோற்றத்தை அளிப்பதால் நிகழ்ச்சியை ஒருங்கிணைத்து நடத்துபவர்கள் இம்மாதிரியான உடையலங்காரம் செய்து கொள்வது தோரணையாக இருக்கிறது. பார்க்கவும் அழகு! ஃபேஷன் உலகத்துப் பெண்கள் வண்ண மயமான பிளேஸர்களைத் தேர்ந்தெடுக்கிறார்கள் என்றால் இளைஞர்கள் செக்டு பிளேஸர்களை அதிகமும் விரும்பி அணிகிறார்கள்.

நான்காவதாக ட்ரெண்டிங்கில் இருப்பது பலூன் ஸ்லீவ்ஸ் ரக மேற்சட்டைகள்.

பலூன் ஸ்லீவ்ஸ் என்றால் மேலே புகைப்படத்தில் உள்ளதைப் போல சட்டையின் கைப்பகுதி முழங்கைகளுக்குக் கீழ் ஊதப்பட்ட பலூன் போல பெரிதாக உப்பி பின் மணிக்கட்டில் சுருங்கி முடியும். இதைத்தான் பலூன் ஸ்லீவ்ஸ் என்கிறார்கள் மேற்கத்தியர்கள். நம்மூரில் இது பபூன் சட்டை 

ஐந்தாவதாக ட்ரெண்டிங்கில் இருப்பது ஃப்ளோரல் கிரப் டாப், ஃப்ளோரல் ராப் டாப்

ஆறாவதாக ட்ரெண்டிங்கில் ஹிட் அடித்திருப்பது ஸ்லீக் சோலே ட்ரெண்டி ஹேண்ட்பேக்...

ஏழாவதாக ட்ரெண்டிங் ஆகிக் கொண்டிருப்பது ஃப்ரிஞ் பூட்ஸ்...

இதை ஆண்கள், பெண்கள் என அனைவரும் அணிகிறார்கள். 

அதைத் தொடர்ந்து எட்டாவதாக ட்ரெண்டிங் ஆகிக் கொண்டிருப்பது சாக் பூட்ஸ்.

இந்த வகை பூட்ஸ்களை மாடலிங் செய்பவர்கள் முதல் கல்லூரி மாணவிகள் வரை அனைவரும் விரும்புகின்றனர். இவ்வகை பூட்ஸ்களில் ஷூவுடன் அப்படியே சாக்ஸும் இணைத்து வடிவமைக்கப்பட்டிருக்கும். 

ஒன்பதாவதாக ட்ரெண்ட் ஆகிக் கொண்டிருப்பவை ஃபாக்ஸ் லெதர் பேண்ட்டுகள்..

இவை பாலியூரிதேன் ஃபேப்ரிக்கினால் ஆனவை.. பார்க்கப் பளபளப்பாக இருப்பதுடன் அணிவதும் எளிது. 

2018 ஆம் ஆண்டில் 10 வதாக உலகம் முழுவதும் ஆண்கள், பெண்கள், வயதானவர்கள் மற்றும் குழந்தைகள் வரை ட்ரெண்ட் ஆகிக் கொண்டிருப்பது குச்சி ஷர்ட்கள்.

இந்த வகை டி ஷர்ட்டுகள் அணிய எளிதாக இருப்பதோடு சூப்பர் கூல் லுக்கையும் அள்ளித்தருவதால் பெண்களின் ஆல் டைம் ஃபேவரிட்டாக இருக்கின்றன இவ்வகை குச்சி டி ஷர்டுகள்.

அவ்ளோ தாங்க 2018 ல் உலகைக் கலக்கிக் கொண்டிருக்கும் டாப் டென் ட்ரெண்டுகள் இவை தான்.

இதில் உங்களுடைய சாய்ஸுக்கு ஏற்றவாறு நீங்களே ஏதாவது ஒன்றை தேர்ந்தெடுத்து அணியலாம். அனைத்தையுமே அணிவதென்றாலும் அது அவரவர் இஷ்டமே!

சிலர் சதா சர்வ காலமும் ஃபேஷன் விஷயங்களில் அப்டேட்டாக இருப்பார்கள். சிலருக்கு ஃபேஷன் ட்ரெண்ட் பற்றிய ஞானமே இருக்காது. அதற்காக அவர்களுக்கு அதிலெல்லாம் விருப்பமில்லை என்று அர்த்தமில்லை. அவர்களுக்கு ஃபேஷன் அப்டேட் பற்றியெல்லாம் பெரிதாக கவனமில்லாமல் இருக்கும். யாராவது அணிந்து கொண்டு வந்தால் அதைப்பார்த்து ஆர்வமாக அதே போல அணிய ஆசைப் படுவார்கள். உலகம் இப்படித்தான் இயங்கிக் கொண்டிருக்கிறது. ஃபேஷன் விஷயங்களில் அப்டேட்டாக இருப்பது சதா காலமும் நம்மை இளமையாக வைத்துக் கொள்ள உதவும் உபாயமாகவும் இருக்கலாம். விருப்பமுள்ளவர்கள் பின்பற்ற வேண்டியது தான். இல்லாதவர்கள் எப்போதும் போல பிறரது விரல் நுனி ஃபேஷன் அப்டேட்டுகளைப் பார்த்தும்... ஆடை அலங்காரங்களைப் பார்த்தும் அட என்று ஆச்சர்யப் பட்டுக் கொள்ள வேண்டியது தான்.

சர்வம் ஃபேஷனானந்தாய நமக!