சண்டே ஜோக்ஸ்! கொஞ்சம் சிரிங்க பாஸ்!

"கல்யாண வீட்டுல என்ன கலாட்டா?''

"மொபலைப் பார்த்துக்கிட்டே மாப்பிள்ளை சாஸ்திரி கழுத்திலே தாலி கட்டிட்டாராம்''

- ம.வேதவள்ளி, பொரவச்சேரி.

"டாக்டர் எப்பவும் ஆன்ட்ராய்டு போனுமா, கையுமா இருக்காரே?''

"பேஷண்டுகளுக்காகத்தான். கூகுளில் சர்ச் பண்ணி மருந்து எழுதித் தருவார்''

**

"பேய்ப்படம் எடுத்தது தப்பாப் போச்சுன்னு சொல்றீங்களே... ஏன்?''
"தினமும் ஒரு பேய் வந்து  என்னை மிரட்டிட்டுப் போகுது''

- கு.அருணாசலம், தென்காசி.

கண்டக்டர்:  அடுத்த ஸ்டாப்புல செக்கர் ஏறுவாரு. எல்லாரும் டிக்கெட் எடுத்திடுங்க.
பயணிகள்:  செக்கருக்கு நாங்க ஏன் டிக்கெட் எடுக்கணும்?

- சங்கீத சரவணன், மயிலாடுதுறை.

"உப்பு, காரத்தை தவிர்த்துடுங்க...இனிப்பு புளிப்பை மறந்துடுங்க''
"துவர்ப்பு, கசப்பை விட்டுட்டீங்களே டாக்டர்''

- வி.ரேவதி, தஞ்சாவூர்.

 "புட்டிப்பாலை விட தாய்ப்பால்தான் சிறந்தது...''
"ஆமாம் டாக்டர்... புட்டிப்பால்ன்னா பாட்டில் அப்பப்ப அழுக்காயிடுது. புட்டியைக் கழுவிக்கிட்டே இருக்க வேண்டியிருக்கு''

- அமுதா அசோக்ராஜா.

காதலன்: எங்க குடும்பத்துல நம்ம கல்யாணத்தை நடத்தவிட மாட்டாங்க போலிருக்கே..
காதலி: நம்ம கல்யாணத்தை யார் தடுத்து நிறுத்தப் போறாங்க?
காதலன்: என் மனைவியும் மாமியாரும்தான்.

**

நீதிபதி: பார்த்தா அப்பாவியா தெரியுற... நீயா பிக்பாக்கெட்? நம்பவே முடியலையே
திருடன்: உங்களை மாதிரிதான்ங்க...எல்லாரும் ஏமாந்துடுறாங்க

- உமர் ஃபாரூக், கடையநல்லூர்.

"டிவி கடையிலே ரிமோட் கேட்டதுக்கு அதெல்லாம் இனிமேல்தான் கண்டுபிடிக்கணும்னு சொன்னாங்களா? அப்படியென்ன ரிமோட் கேட்டீங்க?''
"பொண்டாட்டி வாயை மியூட்ல போடுற மாதிரி ரிமோட் இருக்கான்னு கேட்டேன்''

- வி.ரேவதி, தஞ்சாவூர்.

"இனி உன் புடவையை வேலைக்காரிக்குக் கொடுக்காதே''
"ஏங்க?''
"அவ துடைப்பத்தை எடுத்துக்கிட்டு வர்றதைப் பார்த்து பயந்துட்டேன்''
- தீ.அசோகன், சென்னை-19.