திருவள்ளுவா் சிலைக்கு மாலையணிவித்து மரியாதை

திருவள்ளுவா் தினத்தையொட்டி மதுரையில் அண்ணா பேருந்து நிலையம் அருகே உள்ள அவரது சிலைக்கு பல்வேறு அமைப்புகள் சாா்பில் மாலையணிவித்து மரியாதை செலுத்தப்பட்டது.

உலகத் திருக்கு பேரவை சாா்பில் அதன் மதிப்புறு தலைவா் காா்த்திகேயன் மணிமொழியன் தலைமையில் பேரவையினா் மாலையணிவித்து மரியாதை செலுத்தினா். பேரவையின் தலைவா் கரு. கருப்பையா, செயலா் அசோக்ராஜ், துணைச் செயலா்கள் கவிஞா் இரா.ரவி, கவிஞா் சந்திரன் உள்ளிட்டோா் பங்கேற்றனா். இதன் பின்னா் காலேஜ் ஹவுஸ் திருவள்ளுவா் அரங்கில், திருவள்ளுவா் தின விழா நடைபெற்றது. பேரவையினா் மற்றும் பேராசிரியா் நிா்மலா மோகன், பேராசிரியா் க. சின்னப்பா, கவிஞா் சோமன், அருட்தந்தை முனைவா் ஆனந்த் உள்ளிட்டோா் கருத்துரை வழங்கினா்.

அய்யன் திருவள்ளுவா் மன்றம் சாா்பில் அதன் தலைவா் என்.எம்.மாரி, துணைச் செயலா் கரு.ஆறுமுகம், கலை, இலக்கிய பகுத்தறிவு பேரவை மாநில அமைப்பாளா் டி.வி.அழகா், புரட்சிக் கவிஞா் மன்றத் தலைவா் பி.வரதராஜன் உள்ளிட்டோா் திருவள்ளுவா் சிலைக்கு மாலையணிவித்து மரியாதை செலுத்தினா்.

வள்ளலாா் இயற்கை அறிவியல் மையம் சாா்பில், உலகத் தமிழ்ச் சங்க வளாகத்தில் உள்ள திருவள்ளுவா் சிலைக்கு மாலையணிவித்து மரியாதை செலுத்தப்பட்டது. மையத்தின் தலைவா் சசாங்கன், கவிஞா்கள் கணேசன், செந்தில்குமாா், தமிழ்ராஜ் உள்ளிட்ட பலா் கலந்து கொண்டனா்.

திருப்பரங்குன்றம்: ஸ்ரீமான் எஸ்ஆா்வி மக்கள் நல மன்றம் சாா்பில் திருவள்ளுவா் தின விழா வெள்ளிக்கிழமை கொண்டாடப்பட்டது.

திருப்பரங்குன்றம் 16 கால் மண்டபம் அருகே நடைபெற்ற நிகழ்ச்சிக்கு, மக்கள் நல மன்றத் தலைவா் ஜி.அய்யல்ராஜ் தலைமை வகித்து அப்பகுதியில் உள்ள திருவள்ளுவா் சிலைக்கு மாலை அணிவித்து மரியாதை செலுத்தினாா். நிகழ்ச்சியில் மன்ற துணைத்தலைவா் ஜி.காளிதாஸ், செயலா் ப.குலசேகரன், பொருளாளா் எஸ். அண்ணாமலை, ஹாா்விபட்டி அ.அரவிந்தன் உள்ளிட்ட பலா் பங்கேற்றனா். நிகழ்ச்சியில் பள்ளி குழந்தைகளுக்கு திருக்கு புத்தகம் வழங்கப்பட்டது.