செய்தி மடல்
இ-பேப்பர்
/
சீா்காழியில் விற்பனைக்காக வீட்டில் பதுக்கிவைக்கப்பட்டிருந்த ரூ. 50 ஆயிரம் மதிப்பிலான மதுபாட்டில்களை பறிமுதல் செய்த போலீஸாா், இதுதொடா்பாக பெண் ஒருவரை வெள்ளிக்கிழமை கைது செய்தனா்.
சீா்காழி ஈசானியத் தெருவில் வீட்டில் மதுபானங்களை பதுக்கிவைத்து விற்பனை செய்வதாக கிடைத்த தகவலின்பேரில், சீா்காழி சிறப்பு தனிப் பிரிவு காவல் உதவி ஆய்வாளா் மணிகண்டகணேஷ் தலைமையில், உதவி ஆய்வாளா் முருகன் மற்றும் போலீஸாா் அங்கு சோதனை மேற்கொண்டனா்.
இதில், காளிதாஸ் மனைவி அமுதா (37) என்பவா் வீட்டில், சட்டவிரோத விற்பனைக்காக பதுக்கிவைக்கப்பட்டிருந்த 200 தமிழக மதுபாட்டில்கள், 219 புதுச்சேரி மதுபாட்டில்கள் கைப்பற்றப்பட்டன. இவற்றின் மதிப்பு ரூ. 50 ஆயிரம் என போலீஸாா் தெரிவித்தனா்.
இதையடுத்து, அமுதாவை கைதுசெய்த போலீஸாா் வழக்குப் பதிவுசெய்து, அவரிடம் விசாரணை நடத்தி வருகின்றனா்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
